لاہور (ویب ڈیسک ) مائکرو بلاگنگ ویب سائٹ ’ٹوئٹر‘ پر گزشتہ کچھ عرصے سے نئے فیچر متعارف کرائے جانے کا سلسلہ جاری ہے۔’ٹوئٹر‘ نے جہاں رواں برس کے آغاز میں ویب سائٹ کو مکمل طور پر نئے ڈیزائن کے ساتھ متعارف کرایا تھا۔وہیں بعد ازاں ٹوئٹر نے ’اوریجنل ٹویٹر‘ کا فیچر بھی آزمایا تھا۔تاہم اب ’ٹوئٹر‘ نے ’لیبل‘ نامی نیا فیچر متعارف کرادیا اور فوری طور پر اسے محدود صارفین کے لیے پیش بھی کردیا گیا۔ٹوئٹر نے نئے فیچر کو متعارف کرائے جانے کا اعلان ایک ٹوئیٹ کے ذریعے کیا۔اس فیچر کے تحت جب بھی کوئی ٹوئٹر صارف کسی ٹوئیٹ میں دوسرے شخص کو مینشن کرے گا اور مینشن کیا گیا شخص جب بھی اسی ٹوئیٹ کے پر ریپلائی کرے گا تو اس کے ٹوئیٹ کے اوپر ’مینشن‘ کا لفط لکھا ہوا آئے گا۔
