لاہو(صدف نعیم سے) ملتان کے علاقے غلہ منڈی میں پنجاب فوڈ اتھارٹی کی ٹیم پر حملے کے واقعہ کا نوٹس۔وزیر اعلی پنجاب سردار عثمان بزدارنے نوٹس لے کر آر پی او ملتان سے رپورٹ طلب کر لی۔ حملہ کرنے والے ملزمان کو جلد گرفتار کرنے کا حکم۔حملے میں ملوث ملزمان کیخلاف قانون کے تحت فوری کارروائی عمل میں لائی جائے۔ پنجاب فوڈ اتھارٹی کی ٹیموں کو آئندہ ضروری تحفظ فراہم کیا جائے۔ملاوٹ مافیا ایک ناسور ہے جس کا ہر صورت خاتمہ کریں گے۔ ملاوٹ کا خاتمہ اور معیاری خوراک کی فراہمی حکومت پنجاب کی پہلی ترجیح ہے صوبے کے عوام کو خالص غذا کی فراہمی کے لئے ملاوٹ مافیا کی سرکوبی ضروری ہے۔غذا میں ملاوٹ کرنے والے عناصر کسی رعایت کے مستحق نہیں۔عوام کو حفظان صحت کے اصولوں کے مطابق اشیائے خوردونوش کی فراہمی یقینی بنائیں گے۔پنجاب فوڈ اتھارٹی ملاوٹ مافیا کے خلاف بلاامتیاز کارروائی جاری رکھے،اس ضمن میں کسی قسم کا دباو¿ قبول نہ کیا جائے۔ملاوٹ مافیاکو انسانی صحت سے کھیلنے کی اجازت نہیں دیں گے۔خالص خوراک ہرشہری کا حق ہے۔حکومت پنجاب فوڈ اتھارٹی کو ہر ممکن سپورٹ فراہم کرے گی۔
