لاہور(ویب ڈیسک)صوبائی وزیر اطلاعات و نشریات پنجاب صمصام بخاری نے کہا ہے کہ حکومت کا گرفتاریوں سے کوئی تعلق نہیں۔مسلم لیگ ن اور پیپلز پارٹی کے رہنما اب کہتے ہیں کہ انھیں نیب میں اصلاحات کرنی تھیں۔نیب کے کیسز نئے نہیں ہیں یہ گزشتہ حکومتوں کے بنائے ہوئے ہیں۔ن لیگ کے دو ادوار میں زرداری صاحب کو جیل میں ڈالا گیا کیا وہ پی ٹی آئی نے ڈالا تھا؟اپوزیشن کو اتحاد چارٹر آف پروٹکشن آف کرپشن ہے۔اگر کسی پی ٹی آئی رہنما پر چارج آتا ہے تو وزیراعظم عمران خان کسی کے ساتھ نہیں کھڑے ہیں۔ہم کسی انصاف کی راہ میں رکاوٹ نہیں ڈالیں گے۔انکے اکاﺅنٹس دیکھیں کوئی فالودے والا ہے تو کوئی ریڑھی والا۔زرداری صاحب کہتے ہیں کہ میرے وقت میں کوئی سیاسی قیدی نہیں تھا۔ہم یہی بتا رہیں ہیں کہ سیاسی قیدی کوئی نہیں انھوں نے وائٹ کالر کرائم کیے ہیں۔ہمارا عوام کے ساتھ وعدہ یہ ہے کہ ہم احتساب کی راہ میں رکاوٹ نہیں بنیں گے۔قومی اور صوبائی اسمبلی میں سپیکر کا استحقاق ہے کہ کسی کو پروڈکشن آرڈرز جاری کریں۔
