اسلام آباد(ویب ڈیسک) پاکستان تحریک انصاف (پی ٹی آئی) سے تعلق رکھنے والی این اے 191 سے منتخب زرتاج گل 55 تولے سونے جبکہ مسلم لیگ نواز کیرہنما مریم اورنگزیب 32 تولہ زیورات کی مالک ہیں۔الیکشن کمیشن آف پاکستان نے اراکین پارلیمنٹ کے اثاثوں کی تفصیلات جاری کردی ہیں۔تفصیلات کے مطابق این اے 277 سے منتخب ایم این اے شزا فاطمہ خواجہ 210 تولہ زیورات جبکہ این اے 283 سے منتخب ایم این اے زیب جعفر 200 تولہ سونا اور ڈائمینڈ رنگز کی مالک ہیں۔این اے 287 سے منتخب ایم این اے مائزہ حمید 80 تولہ زیور کی مالک ہیں جبکہ ڈاکٹر شیریں مزاری کے پاس 60 تولہ سونا ہے۔اسی طرح این اے 290 سے منتخب عندلیب عباس کے پاس 50 تولہ جبکہ این اے 306 سے منتخب شگفتہ جمانی کے پاس 100 تولہ سونا ہے۔این اے 329 سے منتخب ایم این اے عالیہ کامران ایک کلو سونے جبکہ این اے 216 سے منتخب شازیہ مری 25 تولے زیورات کی مالک ہیں۔الیکشن کمیشن کی جانب سے فراہم کردہ تفصیلات کے مطابق این اے 230 سے منتخب ڈاکٹر فہمیدہ مرزا 146 تولہ زیورات رکھتی ہیں جن میں سات سونے کے سیٹ 20 اور چوڑیاں شامل ہیں۔این اے 271 سے منتخب زبیدہ جلال 70 تولہ زیور کی مالک ہیں جبکہ دو لاکھ کا فرنیچر رکھتی ہیں۔مسلم لیگ ن کی رہنما طاہرہ اورنگزیب 50 ہزار مالیت کا زیور رکھتی ہیں جبکہ ان کے فرنیچر کی مالیت 27000 ہے۔وزیراعظم عمران خان کے اثاثے،تفصیلات کے مطابق وزیراعظم عمران خان10کروڑ 82 لاکھ 36 ہزار روپے سے زائد اثاثوں کے مالک ہیں۔انہوں نے بنی گالہ رہائش گاہ کو بطور تحفہ ظاہر کیا۔ وزیراعظم کی اہلیہ بشریٰ بی بی کے نام بنی گالہ میں تین کنال کا گھر، پاک پتن میں431 اور اوکاڑہ میں266 کنال اراضی ہے۔وزیراعظم کے پاس ڈالر، پاو¿نڈ اور یورو اکاﺅنٹس بھی ہیں، وہ دو لاکھ روپے کی چار بکریوں کے بھی مالک ہیں۔وزیراعظم کے پاس 6 اعشاریہ 2 مربع زرعی اور کمرشل اراضی بھی ہے۔سابق صدر آصف علی زرداری 66 کروڑ روپے مالیت کے اثاثوں کے مالک ہیں جبکہ ان کی بیرون ملک کوئی جائیداد نہیں۔پاکستان پیپلز پارٹی کے شریک چیئرمین کے پاس ایک کروڑ روپے مالیت کے گھوڑے اور دیگر جانوروں سمیت ایک کروڑ 66 لاکھ روپے کا اسلحہ بھی ہے۔بلاول بھٹو امیر ترین اراکان قومی اسمبلی میں شامل ہیں۔ ان کے پاس ایک ارب 54 کروڑ روپے سے زائد مالیت کے اثاثے ہیں۔ان کے دبئی کے دو ولاز میں شیئرز ہیں۔ آصف علی زرداری اور بلاول بھٹو دبئی کے اقامہ ہولڈر بھی نکلے۔قائد حزب اختلاف شہباز شریف کے اثاثوں کی مالیت 18 کروڑ 96 لاکھ روپے سے زائد ہے۔ان کی پہلی اہلیہ نصرت شہباز کے نام 23 کروڑ اور دوسری اہلیہ تہمینہ درانی کے نام 57 لاکھ 65 ہزار روپے کے اثاثے ہیں۔شہباز شریف کے بیرون ملک اثاثوں کی مالیت 14 کروڑ روپے ہے۔ وہ لندن میں فلیٹ کے مالک بھی ہیں۔اسی طرح سابق وزیراعظم شاہد خاقان عباسی 60 کروڑ روپے سے زائد مالیت کے اثاثوں کے مالک ہیں جبکہ شیخ رشید کے پاس تین کروڑ 58 لاکھ روپے کے اثاثے، 8 کروڑ 73 لاکھ کا بینک بیلنس اور 25 لاکھ کےپرائز بانڈ ہیں۔گزشتہ روز گرفتار ہونے والے رانا ثنااللہ کے پاس 6 کروڑ 60 لاکھ روپے اور خورشید شاہ کے پاس 6 کروڑ روپے مالیت کے اثاثے ہیں۔وزیر مواصلات مراد سعید غریب ارکان قومی اسمبلی میں شامل ہیں۔ ان کے پاس 36 لاکھ کیش اور 15 تولے سونا ہے۔شہریار آفریدی کے پاس دو کروڑ روپے کے اثاثے ہیں۔ وزیر دفاع پرویز خٹک کے پاس 13 کروڑ 95 لاکھ روپے کے اثاثے اور اڑھائی کروڑ روپے کا بینک بیلنس ہے۔وفاقی وزیر علی زیدی تین کروڑ روپے اور تحریک انصاف کے ایم این اے سمیع الحسن گیلانی ایک ارب روپے سے زائد اثاثوں کے مالک ہیں۔

لاہور (ویب ڈیسک)ترجمان وزیر اعلیٰ پنجاب شہباز گل نے کہاہے کہ شہباز شریف اور مریم نواز جھوٹ بول رہے ہیں کہ نواز شریف کیلئے گھر کا کھانا بند کردیاہے ، آج بھی ان کاکھانا گھر سے آیاہے ، وہ روز گوشت اور انڈے کھا رہے ہیں اور کہا جاتاہے کہ نواز شریف کی 90فیصد شریانیں بند ہیں، مریم صفدر اعوان ڈاکٹر عدنان کو کارڈیالوجسٹ بناکر پیش کرتی ہیں۔ میڈیا سے گفتگو کرتے ہوئے شہباز گل نے کہا کہ جیل قوانین کے مطابق باہر سے کسی ڈاکٹر کی ضرورت نہیں ہے ، ڈاکٹر عدنان جیل جاتے ہیں اور باہر آکر غلط بیانی کرتے ہیں۔ انہوں نے کہا کہ جیل مینوئل میں باورچی تو دیا جاسکتاہے لیکن گھر سے کھانا لانے کی اجازت نہیں دی جاسکتی ہے۔ نواز شریف کو 21کارڈیالوجسٹ کی سہولت دی جارہی ہے۔ انہوں نے کہا کہ ابھی اس پر غور جاری ہے کہ نواز شریف کا کھانا جیل میں تیار کیا جائے اور اس کی چیکنگ بھی کی جائے تاکہ نواز شریف کی صحت پر برا اثر نہ پڑے۔ انہوں نے کہا کہ نواز شریف کا کھانا اب بھی گھر سے آرہاہے ، اس حوالے سے شہباز شریف نے جھوٹ بولا ہے کہ نواز شریف کا گھر سے کھانا بند کردیاگیاہے۔ انہوں نے کہا کہ ان کو پریشانی یہ ہے کہ ایک تو اے پی سی ناکام ہوئی ہے اور دوسرا ن لیگ کے ارکان جنہوں نے عوام کی خدمت کرنے کیلئے مینڈیٹ لیا ہے ، ان کے ساتھ ہمارے بات چیت ہوئی ہے ، وہ پارٹی ڈسپلن کا پابند رہتے ہوئے عوام کی خدمت کرنا چاہتے ہیں۔انہوں نے کہا کہ رانا ثنا ءاللہ کی گرفتاری پر سیاست کی جارہی ہے ، اس گرفتاری پر مذاق کیا جارہاہے ، ان کی گرفتاری ایک قومی ادارے نے کی ، ہم کو اس کارروائی کا نہیں پتہ تھا ، اے این ایف پکڑنے کے بعد فوری ملزم کی معلومات نہیں دیتا۔ میں نے اے این ایف سے بات کی ہے اور ان کی جانب سے کہا گیا ہے کہ ہم کوئی معلومات نہیں دیں گے ، ہم اس کی معلومات عدالت میں دیں گے۔ شہباز گل کاکہناتھا کہ شہبا زشریف اور بیگم اعوان نے جھوٹ بولاہے کہ نواز شریف کا کھانا گھر سے نہیں آنے دیا جارہاہے لیکن آج ان کا کھانا گھر سے آیاہے جونواز شریف نے کھا یا ہے۔آج نواز شریف گھر سے کریلے ، چاول اور شوربے والا گوشت آیاہے ، جیل مینول کے باوجود نواز شریف کو گھر سے کھانے کی اجازت دی جارہی ہے۔

لاہور (ویب ڈیسک)پاکستان مسلم لیگ ن پنجاب کے صدر رانا ثنااللہ کومنشیات سمگلنگ کے الزام میں گرفتاری کے بعد کیمپ جیل لاہورمنتقل کردیا گیاہے۔ذرائع کا کہنا ہے کہ رانا ثنا اللہ خان کو جیل میں عام قیدی کی سہولیات ہی میسر ہوں گی، رانا ثنا اللہ کو منشیات فروشوں اورا سمگلرز کے لئے مخصوص سیل میں منتقل کیا گیاہے۔پاکستان مسلم لیگ ن کے رہنما رانا ثنااللہ کو لاہور کی مقامی عدالت نے اے این ایف کی استدعا پر14روزہ جوڈیشل ریمانڈ پر جیل منتقلی کا حکم دیا۔منشیات فروشوں اور سمگلرز کو جیل میں سہولیات میسر نہیں ہوتیں،جیل قوانین کے مطابق منشیات فروشوں کو بی کلاس نہیں دی جاتی۔ذرائع کا کہناہے کہ جیل میں رانا ثنااللہ خان کودیگر سہولیات دینے کے لیے فیصلہ محکمہ داخلہ پنجاب کرے گا۔انسداد منشیات فورس کی طرف سے جب آج رانا ثنا اللہ کو لاہور کی مقامی عدالت میں پیش کیا گیا تو انہوں نے صحافیوں کے ساتھ مختصر گفتگو بھی کی۔ایک صحافی نے رانا ثنا اللہ سے سوال کیا کہ یہ سیاسی انتقام ہے یا کیا ہے؟ اس پر انہوں نے کہا کہ ظلم کی حکومت کیسے قائم رہ سکتی ہے یہ خدا کا فیصلہ ہے۔رانا ثنا اللہ خان نے کہا کہ اسے شرم آنی چاہیے جو یہ کہتا ہے کہ یہ مدینہ کی ریاست ہے۔ حکومت کو ایسے اوچھے ہتھکنڈے اپنانے پر شرم آنی چاہیے۔دوسری طرف رانا ثنائ اللہ کی گرفتاری پر غور کے لیے پاکستان مسلم لیگ ن کے صدر شہباز شریف نے پارٹی کا اعلی سطح اجلاس آج طلب کیا ہے جوپارٹی سیکرٹریٹ ماڈل ٹاﺅن لاہور میں ہو گا۔ذرائع کا کہنا ہے کہ اجلاس کی صدارت مسلم لیگ ن کے صدر شہباز شریف کرینگے، اجلاس میں رانا ثناءاللہ کی گرفتاری کے بعد کی صورتحال پر غور کیا جائے گا۔پارٹی ذرائع کا کہنا ہے کہ مسلم لیگ ن کے اجلاس میں پارٹی کی آئندہ کی حکمت عملی پر غورکے ساتھ ساتھ اپوزیشن جماعتوں کے رہنماﺅں کی مختلف الزامات کے تحت تواتر سے گرفتاریوں کا جائزہ بھی لیا جائے گا۔