کراچی:(ویب ڈیسک) وزیراعلیٰ سندھ مراد علی شاہ کا کہنا ہے کہ پاکستان تحریک انصاف کی حکومت کا ایک سال عوام کیلئے بھیانک خواب ہے۔وزیراعلیٰ سندھ مراد علی شاہ نے کابینہ کے ہمراہ کراچی کے فریئر ہال میں پودا لگاکر شجر کاری مہم کا ا?غاز کیا۔اس دوران میڈیا سے گفتگو میں مراد علی شاہ کا کہنا تھا کہ شجرکاری مہم کیلئے ہم نے پودے لگائے ہیں،کراچی میں درختوں کی بہت کمی ہے اور کوشش کریں گے کہ پورے سندھ کو سرسبز و شاداب بنائیں۔وزیراعلیٰ نے پولی تھین بیگز پر یکم اکتوبر سے پابندی لگانے کا اعلان کیا۔وزیراعلیٰ سندھ مراد علی شاہ نے کابینہ کے ہمراہ کراچی کے فریئر ہال میں پودا لگاکر شجر کاری مہم کا ا?غاز کیا — فوٹو: سی ایم ہاو¿س ا?فیشل خیال رہے کہ وفاقی دارالحکومت اسلام ا?باد میں 14 اگست سے پلاسٹک کے شاپنگ بیگز پر پابندی عائد ہے۔ وزیر اعلیٰ سندھ نے وفاقی حکومت کے ایک سال کی کارکردگی کو تنقید کا نشانہ بناتے ہوئے کہا کہ پی ٹی آئی کا پہلا سال ایک بھیانک خواب ہے، انہوں نے ایک سال میں کوئی بھی ایسا کام نہیں کیا جس کو یاد کیا جائے۔حکومت نے اپنی ایک سالہ کارکردگی کی رپورٹ پیش کر دی انہوں نے مزید کہا کہ مہنگائی نے عوام کی کمر توڑ دی، غریب تو کیا متوسط طبقہ بھی اس آمدنی میں گزارا نہیں کرپارہا، پیٹرول اور ڈالر مہنگا کرنا ان کا بڑا معرکہ ہے۔مراد علی شاہ کا کہنا تھا کہ وفاقی حکومت نے خود کوئی کام نہیں کیا، نہ صوبوں کو کرنے دیا، آئین میں لکھا ہے مشترکہ مفادات کونسل کا اجلاس ہر3 ماہ میں بلانا ہے۔وزیراعظم عمران خان سے ملاقات کے حوالے سے ان کا کہنا ہے کہ گورنر سندھ نے کہا وزیراعظم کراچی آئیں تو ملاقات کروں، بلایا جائے گا اور دعوت دی جائےگی تو وزیراعظم سے ضرور ملوں گا لیکن وزیراعظم 2 بار جب کراچی آئے تو مجھے کسی اجلاس میں نہیں بلایا گیا۔’حکومت آج اپنی تاریخی ناکامیوں کی داستان فخر سے س±نائے گی’وزیراعلیٰ نے حکمراں جماعت پر طنز کرتے ہوئے کہا کہ میں کوئی دھرنا پارٹی تو نہیں کہ روڈ پر کھڑا ہوکر کہوں وزیراعظم مجھ سے مل لیں لیکن سندھ کے حقوق کیلئے ضرور ان سے ملنے جاو¿ں گا۔ یاد رہے کہ گزشتہ برس 25 جولائی کو ہونے والے عام انتخابات میں پاکستان تحریک انصاف ملک کی سب سے بڑی جماعت بن کر سامنے آئی تھی اور پھر 18 اگست 2018 کو عمران خان نے پاکستان کے 22 ویں وزیراعظم کی حیثیت سے حلف اٹھایا تھا۔ وفاقی حکومت نے ایک سال کی مدت پوری ہونے پر کارکردگی رپورٹ بھی جاری کی ہے۔

اسلام آباد (ویب ڈیسک )وفاقی وزیر ریلوے شیخ رشید نے انکشاف کیا ہے کہ ان کے اپنے والد سے تعلقات خراب تھے۔نجی نیوز چینل جیو نیوز کے خصوصی پروگرام میں گفتگو کرتے ہوئے ان کا کہنا تھا کہ میں نے بچپن غربت میں گزاری اور بہت محنت کی ،میرے اپنے والد سے تعلقات خراب تھے لیکن میں اپنی ماں کے بہت قریب تھا ،وہ بہت نیک خاتون تھیں۔شیخ رشید نے بتا یا کہ میں باپ سے پیسے نہیں مانگتا تھا اور لال حویلی کے باہر کتابیں بیچا کر تا تھا اس لیے آج کچھ لوگ مجھ سے جلتے ہیں کہ یہ لال حویلی کے باہر کتابیں بیچنے والا لال حویلی کا مالک بن گیا۔

لاہور(ویب ڈیسک) نیب نے اگست میں کچھ اہم رہنماو¿ں کے مقدمات کھولنے کا فیصلہ بھی کرلیا ہے، سینئر صحافی صابر شاکر نے کہا کہ ان مقدمات کا تعلق مولانا فضل الرحمان اورجے یوآئی(ف) کے رہنماو¿ں سے ہے، نیب زیرالتوائ انکوائریوں کو آگے بڑھائے گا۔ انہوں نے نجی ٹی وی کے پروگرام میں تبصرہ کرتے ہوئے کہا کہ پاکستان میں احتساب کے عمل میں عید کی چھٹیوں کے بعد تیزی آگئی ہے۔آصف زرداری کونیب کی جیل سے اڈیالہ جیل منتقل کردیا گیا ہے۔ان کو خصوصی سیل میں رکھا جائے گا۔ ان کوبنیادی سہولیات کی درخواست پر ابھی فیصلہ ہونا ہے۔اڈیالہ جیل میں تب تک رہیں گے جب تک چلان نہیں ہوجاتا، ان کے ساتھ ملوث تین ملزم پلی بارگین کرچکے ہیں۔ لیکن زرداری کو اڈیالہ جیل منتقل کردیا گیا ہے۔آصف زرداری کو سکیورٹی خدشات کے باعث نیب جیل میں رکھا گیا تھا، نیب کا پورا علاقہ سکیورٹی کے حوالے تھا، ان کی تحقیقات بھی چل رہی تھی۔نیب کے کیسز بہت زیادہ پائپ لائن ہیں، لیکن آصف زرداری چونکہ نیب جیل میں تھے اس لیے وہاں جگہ نہیں تھی، اب بہت سارے ملزمان کی گرفتاری کا وقت آچکا ہے۔نیب نے چارپانچ کمرے اور بھی بنائے ہیں، تاہم جگہ کی کمی کی وجہ سے ملزمان کی گرفتاری کا سلسلہ رکا ہوا تھا۔اگلے ہفتے میں اگست میں گرفتاریوں میں تیزی آئے گی،پیپلزپارٹی اور مسلم لیگ ن اور دیگرلوگ ہوں گے۔اس بات کا بھی امکان ہے خیبرپختونخواہ اور وفاق میں تحریک انصاف سے تعلق رکھتا ہے،ان میں مشیر، معاون خصوصی، وزیریا رکن قومی اسمبلی بھی ہوسکتے ہیں۔خاص طور پر مسلم لیگ نوازکے کچھ لوگ جوبہت زیادہ بول رہے ہیں، پہلے سی پیک کے پیچھے چھپے ہوئے تھے،اب کشمیرایشو کے پیچھے چھپ رہے ہیں،جیسا کہ احسن اقبال ، نیب ان کو اب گرفت میں لے گا۔کیونکہ نیب جن کو بھی بلاتا ہے ، یہ جواب نہیں دیتے، شہبازشریف کو بھی دوبارہ بلا لیا گیا ہے۔شہبازشریف کے مقدمات بھی اپنے منطقی انجام کو پہنچنے والے ہیں۔حمزہ شہبازاور مریم نوازپہلے ہی گرفتار ہیں۔کیس بڑا فٹ ہے شاید شہبازشریف گرفتاری سے نہ بچ سکیں۔شہبازشریف کو موچ آئی ہے ان کو ڈاکٹرز نے ایک ہفتے کاآرام کا کہا ہے، کل کو نیب جانا پڑے توشاید میڈیکل سرٹیفکیٹ دے دیں گے،ٹی ٹیز کے مقدمات میں چوہدری شوگرملزکیس کا مزید تحقیقات کی جائیں گی۔ اس کیس میں نوازشریف سے بھی تحقیقات کی جائیں گی۔نیب کوٹ لکھپت میں تحقیقات کرے گی۔دوتین اہم مقدمات آگے بڑھیں گے، ان مقدمات کا تعلق مولانا فضل الرحمان اور ان کے جماعت کے لوگوں سے ہے، نیب نے ان کے خلاف زیرالتوائ انکوائریوں کو آگے بڑھایا جائے گا۔

لاہور(ویب ڈیسک)وفاقی دارالحکومت اسلام آباد کی طرح پنجاب حکومت نے بھی پنجاب میں پلاسٹک کے تھیلوں پر پابندی لگانے کا فیصلہ کرلیاہے،وزیراعلی پنجاب سردار عثمان احمد خان بزدار نے پلاسٹک کے تھیلوں پرپابندی سے متعلق سمری منظور کرلی ہے۔تفصیلات کے مطابق ” پلانٹ فار پاکستان مہم“ کی تقریب سے خطاب کرتے ہوئے وزیراعلی پنجاب سردار عثمان بزدار نے کہا کہ آئندہ کابینہ کے اجلاس میں پلاسٹک کے تھیلوں پرپابندی کی منظوری لی جائیگی۔ انہوں نے کہا کہ پنجاب میں وسیع پیمانے پر پودے لگائے جائیں گے،پاکستان کی تاریخ میں ایسی شجرکاری کی مثال نہیں ملتی،حکومت پنجاب شجرکاری کیلئے سرگرم ہے،شجرکاری پروجیکٹ کیلئے خطیر رقم مختص کی گئی ہے،جنگلات میں اضافے کا ہدف پورا کریں گے، پاکستان کو سرسبز و شاداب بنائیں گے۔وزیراعلی پنجاب سردار عثمان احمد خان بزدار نے کہا کہ شجرکاری مہم پاکستان تحریک انصاف کی اولین ترجیح ہے، شجرکاری مہم ایک گیم چینجر ثابت ہو گی،شجرکاری مہم میں طلبا و دیگر شعبہ ہائے زندگی کے افراد کو شامل کیا جا رہا ہے۔انہوں نے کہا کہ بلین ٹری سونامی کے تحت چھبیس ارب روپے مختص کئے گئے ہیں، اگلے چار سالوں میں بیالیس کروڑ پودے لگائے جائیں گے جو ریکارڈ ہوگا، گرین اور سر سبز پنجاب کیلئیایسے تاریخی منصوبے کی مثال نہیں ملتی۔عثمان بزدار نے کہا کہ پنجاب حکومت پہلی بار سرکاری زمینوں پر قبضے سے واگزار کروا رہی ہے، اس مہم سے ہزاروں ایکٹر واگزار کروا کر سرکاری اداروں کو واپس کیاجارہاہے جسے شجر کاری کیلئے مختص کر د یا گیا ہے۔ وزیر اعلی پنجاب سردار عثمان بزدار نے کہا کہ درخت ہمارے دوست ہیں جو ہمیشہ وفا کرتے ہیں ایسے دوستوں کو کبھی فراموش نہیں کرنا چاہئے۔

اسلام آباد(ویب ڈیسک) وزیراعظم عمران خان کا کہنا ہے کہ بھارت کے ایٹمی ہتھیار فاشسٹ مودی حکومت کے ہاتھ لگ چکے ہیں۔سماجی رابطے کی سائٹ پر ٹوئٹ میں وزیراعظم عمران خان کا کہنا تھا کہ بھارت پر ہندونسل پرست، فاشسٹ قیادت اور آئیڈیالوجی نے ایسے ہی قبضہ جمالیا ہے جیسے نازیوں نے جرمنی پر قبضہ جمایا تھا، اس سے وادی کے 90 لاکھ کشمیریوں کی زندگی خطرے میں پڑگئی ہے۔وزیراعظم نے کہا کہ کشمیری 2 ہفتے سے محاصرے میں ہیں، دنیا میں خطرے کی گھنٹیاں بج رہی ہیں، یہ خطرہ پاکستان اور بھارتی اقلیتوں تک وسیع ہورہا ہے جب کہ اقوام متحدہ کے مبصرین بھی مقبوضہ کشمیر میں بھیجے جارہے ہیں۔وزیراعظم عمران خان نے کہا کہ مودی کی فاشسٹ قیادت سے نہرو اور گاندھی کے بھارت کو بھی خطرہ ہے، دنیا بھارت کے ایٹمی ہتھیاروں کی سیکیورٹی سنجیدگی سے لے، بھارت کے ایٹمی ہتھیارفاشست مودی حکومت کے ہاتھ لگ چکے ہیں، یہ ایسا معاملہ ہے جو صرف خطے کو نہیں پوری دنیا کو متاثر کر رہا ہے۔

ملتان (ویب ڈیسک) وزیر خارجہ شاہ محمود قریشی نے بھارتی وزیراعظم نریندر مودی کو چیلنج کیا ہے کہ مقبوضہ کشمیرمیں کرفیو اٹھا کرریفرنڈم کروا لیں، دودھ کا دودھ اور پانی کا پانی ہوجائے گا، دوطرفہ مذاکرات سے کبھی انکارنہیں کیا، لیکن 13روز سے کرفیو نافذ کرنے والے جلاد سے مذاکرات نہیں کریں گے۔ انہوں نے آج ملتان میں میڈیا سے گفتگو کرتے ہوئے کہا کہ مسئلہ کشمیر اٹھانے پر پاکستانی اور عالمی میڈیا کوسلام پیش کرتا ہوں۔کشمیریوں کے ساتھ کھڑے ہیں اور ہمیشہ کھڑے رہیں گے۔انہوں نے کہا کہ مقبوضہ کشمیر میں 13 روز سے کرفیو نافذ ہے، لوگوں کا پوری دنیا سے رابطہ منقطع ہے۔عالمی میڈیا بھی کہہ رہا ہے کہ کشمیر میں بدترین ظلم جاری ہے۔ شاہ محمود قریشی نے کہا کہ پاکستان نے دوطرفہ مذاکرات سے کبھی انکارنہیں کیا، لیکن کیا ہم اس جلاد سے مذاکرات کریں، جس نے مقبوضہ وادی میں 14 روز سے کرفیو نافذ کررکھا ہے۔مودی کو چیلنج ہے کہ مقبوضہ کشمیر میں کرفیو اٹھا کرریفرنڈم کروا لیں، دودھ کا دودھ اور پانی کا پانی ہوجائے گا۔ انہوں نے کہا کہ اب مودی کیخلاف بھارت کے اندر سے آوازیں اٹھ رہی ہیں۔ بھارت میں مسلمانوں کے علاوہ دیگر اقلیتیں بھی ظلم کا شکار ہیں۔اس سے قبل وزیر خارجہ شاہ محمود قریشی نے بھارتی وزیر دفاع راج ناتھ سنگھ کی ہرزہ سرائی پر ردعمل دیتے ہوئے کہا کہ بھارتی وزیر دفاع کا بیان اس بدترین صورتحال کا عکاس ہے جس میں بھارت اس وقت پھنسا ہوا ہے۔یہ صورتحال بھارتی غیر قانونی ویکطرفہ فیصلوں کے باعث پیدا ہوئی۔ شاہ محمود قریشی نے کہا کہ بھارتی اقدام سے خطے اور خطے سے باہر کا امن واستحکام متاثر ہوا۔ جموں وکشمیرمیں تمام آبادی کا لاک ڈاو¿ن قابل مذمت ہے۔ شاہ محمود قریشی نے کہا کہ مقبوضہ وادی میں یہ لاک ڈاو¿ن دو ہفتے سے جاری ہے۔ مقبوضہ وادی میں لاک ڈاو¿ن سے انسانی المیہ مزید گہرا ہوتا جا رہا ہے۔شاہ محمود قریشی نے کہا کہ عالمی انسانی حقوق کی تنظیموں اورمیڈیا نے بھی اس صورتحال کورپورٹ کیا ہے۔ عالمی برادری سمیت سلامتی کونسل نے بھی اس صورتحال کا ادراک کیا ہے۔ اسی طرح وزیر خارجہ مخدوم شاہ محمود قریشی نے اپنے ایک بیان میں کابل بم دھماکے میں کثیر تعداد میں ہونے والی شہادتوں پر گہرے دکھ اور غم کا اظہار کیا ہے۔ انہوں نے کہا کہ معصوم جانوں کو نشانہ بنانے والے انسانیت کے دشمن ہیں۔مخدوم شاہ محمود قریشی نے کہا کہ پاکستان نے خود دہشت گردی کے خلاف ایک طویل جنگ لڑی ہے۔ انہوں نے کابل دھماکے میں شہید ہونے والوں کے لیے دعائے مغفرت اور زخمیوں کے لئے جلد صحت یابی کی دعا کی ہے۔ دوسری جانب غیرملکی خبر ایجنسی کے مطابق کشمیرکی خصوصی حیثیت تبدیل کرنے کے بعد ہزاروں کشمیری گرفتار کرلیے گئے۔ بتایا گیا ہے کہ مقبوضہ کشمیرمیں کرفیوکے نفاذ سے اب تک گرفتاریوں کی تعداد4000 ہوگئی۔ بھارتی حکومتی گرفتار کشمیریوں کو بغیر کسی وجہ کے دوسال تک جیل میں رکھ سکتی ہے۔