لاہور (ویب ڈیسک) کل ملک بھر میں عید الاضحی مذہبی جوش و جذبے سے منائی جائے گی ۔عید الاضحیٰ کے موقع پر مختلف شہروں کی مساجد میں نماز عید کے اوقات کچھ یوں ہیں۔
لاہور
لاہور میں عیدالاضحٰی کے موقع پر شہر میں نماز عید کے بڑے اجتماعات ہوں گے، بادشاہی مسجد، گرینڈ جامع مسجد بحریہ ٹاﺅن، قذافی اسٹیڈیم اور دارالعلوم حنفیہ گلبرگ میں اجتماعات ہوں گے۔جامعہ اشرفیہ مسلم ٹاﺅن میں نماز عید 6:30 پر، باغ جناح میں نماز عید حافظ عاکف سعید کی امامت میں 6:30 پر، مینار پاکستان میں حافظ ابتسام الٰہی ظہیر کی امامت میں 6:30 پر اور جامعہ نعیمیہ میں نماز عید ڈاکٹر راغب حسین نعیمی کی امامت میں 6:30 پر ادا ہو گی۔مسجد کبریٰ سمن آباد میں مولانا عاصم مخدوم کی امامت میں نماز عید 6:45 پر، مسلم مسجد لوہاری میں قاری طاہر شہزاد کی امامت میں 6:45 پر، مسجد وزیر خان میں سید افتخار کی امامت میں 7 بجے جبکہ گرینڈ مسجد بحریہ ٹاو¿ن میں مفتی احمد علی کی امامت میں نماز عید صبح 7 بجے پڑھی جائی گی۔مسجد شہدائ میں نماز عید 7 بجے قاضی یونس کی امامت میں ادا کی جائے گی، جامع مسجد دربار شاہ جمال میں سید نثار اشرف نماز عید 7 بجے پڑھائیں گے، جامع مسجد دالگراں میں نماز عید 7 بجے ادا کی جائے گی اور جامع مسجد دربار شاہ عنایت قادری میں مولانا افتخار احمد کی امامت میں نماز عید صبح 7 بجے ادا کی جائے گی۔لاہور میں ہی جامع مسجد دربار شاہ کمال میں مولانا محمد کی امامت میں نماز عید 7 بجے، جامع مسجد دربار مادھو لعل میں قاری محمد امین کی امامت میں نماز عید صبح 7 بجے، جامعہ اشرفیہ اور داتا دربار مسجد میں نماز عید 7:30 پر پڑھائی جائے گی۔لاہور کی جامع مسجد دربار میاں میر میں مفتی اقبال کھرل 7:30 پر نماز عید پڑھائیں گے، جامع مسجد پیر مکی میں 7:30، دارالعلوم حنفیہ لبرٹی مارکیٹ میں مولانا معاویہ حسن کی امامت میں 8 بجے، بادشاہی مسجد میں مولانا سید عبدالخبیر آزاد کی امامت میں 8:30 پر ادا ہو گی۔گورنر پنجاب چودھری سرور سمیت سیاسی و مذہبی شخسیات نماز عید بادشاہی مسجد میں ادا کریں گے۔
اسلام آباد
اسلام آباد کی فیصل مسجد میں نماز عید ساڑھے سات بجے، جامع مسجد محمدی شہزاد ٹاﺅن میں سات بجے جبکہ جامع مسجد ابوبکر چٹھہ بختاور میں چھ بجے نماز عید ادا کی جائے گی۔جامع مسجد الھدی پارک روڈ میں نماز عید سات بجے، جامع مسجد طیبین ملوٹ میں سات بجے اور جامع مسجد العتیق فلاحی کری روڈ میں سات بجے ہو گی۔اسی طرح اسلام آباد کی جامع مسجد الحبیب میں نماز عید سات بجے، جامع مسجد اہلحدیث جی 6 میں ساڑھے چھ بجے، لال مسجد اسلام آباد میں نماز عید ساڑھے چھ، امام بارگاہ اثنا عشری جی سکیس ٹو میں نماز عید ساڑھے سات، جامع الصادق جی 9 میں سات بجے، مسجد الحجت ایف الیون ون میں سات بجے اور مسجد علی ابن ابی طالب بہارہ کہو میں نماز عید سات بجے ہوگی۔
کراچی
کراچی میں 6:40 منٹ پر جن مساجد میں نماز عید ادا ہو گی ان میں سبیل والی مسجد شامزئی چورنگی گرومندر امامت مولانا محمد طیب کشمیری اور مکہ مسجد آدم جی نگر امامت مولانا مفتی مصنف غنی شامل ہیں۔اسی طرح 6:45 پر جامع مسجد اقصٰی آدم جی نگر بلاک اے محمد علی سوسائٹی امامت علامہ لیاقت حسین اظہری، جامع مسجد گلستان غوثیہ چونا بھٹی رنچھوڑلائن امامت علامہ شہزادقادری ترابی، محمدی مسجد موسیٰ لین لیاری امامت علامہ شاکرالطاف قادری اور بادامی مسجد میٹھادر امامت مفتی وسیم ضیائی شامل ہیں۔6:45 پر ہی بلال مسجد سندھی ہوٹل امامت مولانا محمد رو?ف قادری، بدر مسجد لائٹ ہاﺅس، سلیمانی مسجد غوثیہ کالونی نیو ٹاﺅن امامت مولانا نور الدین بدخشانی، جامع مسجد معصوم شاہ لسبیلہ امامت مولانا قاضی عبدالمجید، جامع مسجد اقصیٰ آدم جی نگر محمد علی سوسائٹی کراچی امامت مولانا لیاقت حسین اظہری اور جامع مسجد بیت السلام نیشنل اسٹیڈیم کالونی جنرل سوسائٹی امامت مولانا یاسر رحمن نماز عید ادا ہو گی۔صبح 7 بجے نماز عید کی ادائیگی جامع مسجد اشرف لیاقت آباد سی ون ایریا امامت مولانا اظہر فاروقی، جامع مسجد رحمانیہ عقب سپر مارکیٹ لیاقت آباد امامت علامہ قاضی احمد نورانی صدیقی، فاروقی عیدگاہ بلاک13فیڈرل بی ایریا امامت مفتی عبدالعزیزحنفی، اقصیٰ جامع مسجد سلطان المساجد دربارسلطانی فیڈرل بی ایریا امامت پیر کمال میاں سلطانی، جامع مسجد خضرا مدرسہ دینیات سیکٹر 5 فاروقی بلاک 14 گلشن اقبال امامت مفتی سید صابر حسین میں ہو گی۔7:15 پر جامع مسجد گلشن عثمان سیکٹر الیون اے نارتھ کراچی امامت مفتی نور اللہ خالد، مسجد مصطفی ڈیفنس فیز ون ، مسجد طوبیٰ ڈیفنس فیز ٹو، جامع غازی مسجد حاجی عباس خان روڈ بکراپیڑی لیاری امامت علامہ سید حسین شاہ ہاشمی، جامع مسجدگلزارحبیب نیو لیبرکالونی امامت علامہ خلیل الرحمٰن چشتی، جامع مسجد اشاعت الاسلام بلاک ڈی نارتھ ناظم آباد امامت علام محمد عبداللہ، الفلاح مسجد پی اینڈ ٹی کینٹ اسٹیشن امامت قاری شاہد حسین سعیدی نماز عید ادا ہو گی۔ امامت علامہ رئیس احمدنوری انصاری، مرکزی جامع مسجد قادریہ ملیر ٹاﺅن امامت مولانا غلام محمد نعیمی، جامع مسجد حنفیہ نورانی سیکٹر فائیو ایف نیوکراچی امامت مفتی شہزاد رضا قادری، جامع مسجدگلزارمصطفی گڈاپ امامت مولانا جہانزیب ہزاروی، جامع مسجد توحید فرنٹیئر کالونی امامت محمد اسلم اور قمر الاسلام عید گاہ گراﺅنڈ خیابان جامی کلفٹن امامت علامہ عظمت علی شاہ ہمدانی عید نماز ادا ہو گی۔
پشاور
پشاور کی مختلف مساجد میں عید الاضحی کی نماز کے اوقات کچھ یوں ہیں۔
مرکزی عید گاہ چارسدہ روڈ پر مولانا محمد اسماعیل کی امامت میں 7:15 پر جبکہ تاریخی مسجد مہابت خان میں مولانا طیب قریشی کی امامت میں 7 بجے نمازعید ادا ہو گی۔سنہری مسجد پشاور میں صدر قاری انور بیگ کی امامت میں 8 بجے، جامع مسجد قبا گلبہار نمبر تین مولانا عارف کی امامت میں 6:30 بجے، جامع مسجد سول کالونی ورسک روڈ کبابیان 7 بجے اور جامع مسجد ڈاکٹر کالونی ایل آر ایچ میں 7 بجے عید نماز ادا ہو گی۔پشاور کی جامع مسجد خزانہ بالا چارسدہ روڈ ، جامع مسجد ظفریہ گاﺅں ککڑ، جامع مسجد سفید پٹواریان اور جامع مسجد بلال پٹواریان میں عید نماز 7:15 بجے ادا کی جائے گی۔

کراچی(ویب ڈیسک) شہر قائد میں جاری بارشوں کے سلسلے نے نشیبی علاقوں میں سیلابی صورتحال پیدا کر دی ہے، متاثرہ علاقوں میں پاک فوج کی ٹیمیں پہنچ گئی ہیں۔اس وقت پاکستان آرمی کی تین ٹیمیں صدر میں، دو کیماڑی میں جبکہ ڈیفنس اور کلفٹن میں ایک ایک ٹیم موجود ہے جو پانی میں پھنسے لوگوں کو بحفاظت نکالنے کی کوشش کر رہی ہے، دیگر علاقوں میں پاک فوج کی 15 سے زائد ٹیمیں ریسکیو آپریشن میں مصروف ہیں۔24 گھنٹوں سے جاری بارش کی وجہ سے شاہ فیصل تھانہ مکمل زیر آب آ گیا، پولیس ملازمین نے کام چھوڑ دیا ہے، اہم دستاویزات اور دیگر سامان کو محفوظ مقام پر منتقل کیا جا رہا ہے۔ایس ایس پی کورنگی علی رضا کا کہنا ہے کہ ڈسٹرکٹ کورنگی کے چار تھانوں میں پانی کا ریلا داخل ہو گیا ہے جن میں شاہ فیصل کالونی، زمان ٹاو¿ن تھانہ، کورنگی انڈسٹریل ایریا اور ماڈل کالونی تھانہ شامل ہے۔کورنگی کراسنگ پر ملیر ندی میں طغیانی آ گئی ہے جس میں ایک خاندان سیلابی ریلے میں پھنس گیا ہے۔عینی شاہدین کا کہنا ہے کہ لوگوں کے منع کرنے کے باوجود ایک شخص نے اپنی بیوی اور بچوں کے ہمراہ ندی عبور کرنے کی کوشش کی تاہم تمام افراد سیلابی ریلے میں پھنس گئے، اایدھی کے رضاکار اور پاک فوج کے جوانوں نے بہت کوشش کے بعد تمام افراد کو بچا لیا۔چیف میٹرولوجسٹ سردار سرفراز کا کہنا ہے کہ کراچی کے بیشتر علاقوں میں 150 ملی میٹر سے زائد بارش ریکارڈ کی گئی ہے۔انہوں نے بتایا کہ بارش برسانے والا نظام کراچی کے جنوب مغرب سے نکل کر سمندر میں داخل ہو گیا ہے تاہم اس کا اثر ابھی تک کراچی میں موجود ہے، حیدرآباد،ٹھٹہ، میرپورخاص اور دیگر علاقوں میں بھی اچھی بارش ہوئی ہے۔سردار سرفراز کے مطابق آج شام تک شہر میں تیز بارش کے دو مزید اسپیل کا امکان ہے، رات سے صبح تک ہلکی بارش اور بونداباندی کا امکان ہے۔محکمہ موسمیات کا کہنا ہے کہ گزشتہ 24 گھنٹے کے دوران سندھ میں سب سے زیادہ بارش کراچی میں جبکہ دوسرے نمبر پر ٹھٹھہ میں بارش ہوئی، کراچی میں سب سے زیادہ 151 ملی میٹر بارش سرجانی ٹاﺅن میں ریکارڈ کی گئی۔

اسلام آباد(ویب ڈیسک) وزیراعظم عمران خان نے کہا ہے کہ مقبوضہ کشمیر میں کرفیو، کریک ڈاﺅن اور نسل کشی آر ایس ایس کے نازی نظریے کا ہندوانہ عکس ہے۔سماجی رابطے کی ویب سائیٹ پر اپنے ٹویٹ میں ان کا کہنا تھا کہ نسل کشی کے ذریعے کشمیر میں آبادی کا تناسب تبدیل کرنے کی کوشش کی جا رہی ہے۔انہوں نے عالمی برادری سے سوال پوچھا کہ جس طرح دنیا نے ہٹلر کے میونخ میں مظالم کو خاموشی سے دیکھ کر بھی اسے خوش کرنے کی کوشش کی تھی، کیا وہ مقبوضہ کشمیر میں بھی یہی کچھ کرے گی؟وزیراعظم نے مزید کہا کہ جس طرح ہٹلر آریاو¿ں کی نسلی برتری پر یقین رکھتا تھا اسی طرح آر ایس ایس بھی ہندو بالادستی پر یقین رکھتی ہے اور مجھے خدشہ ہے کہ وہ بھارتی مقبوضہ کشمیر میں اپنی حرکتوں سے باز نہیں آئے گی۔انہوں نے کہا کہ یہ ذہنیت سب پہلے بھارت میں موجود مسلمانوں پر مظالم کرے گی اور آخرکار پاکستان کو ہدف بنانے کی کوشش کرے گی۔عمران خان نے آر ایس ایس کو ہٹلر کے نظریات کا ہندو عکس قرار دیا۔

اسلام آباد(آئی این پی)پاکستان مسلم لیگ (ن) کے صدر اورقائد حزب اختلاف شہباز شریف نے کہا ہے کہ مسلم لیگ (ن) کسی خوف اور فکر کے بغیر کسان ، صنعت کار ، اور غریب کی آواز بنے گی،عوامی رابطہ مہم مزید تیزہوگی، ورکرز کنونشن منعقد ہونگے، مہنگائی، بے روزگاری، بجلی گیس کی قیمتوں میں ہوشربا اضافے نے عوام سے جینے کا حق چھین لیا ہے،تاجر، صنعتکار، دکاندار اور مزدور کے حقوق کی جنگ پوری قوت سے لڑیں گے،یوم آزادی یوم یکجہتی کشمیر کے طور پر بھرپور انداز سے منایا جائے گا، کشمیریوں سے مکمل یکجہتی کے اظہار کے لیے 14 اگست کو لاہور میں پرچم کشائی کی تقریب سے خطاب کریں گے ،حکومت کشمیر، معیشت سمیت قومی اور عوامی معاملات پر اپنی تاریخی ناکامیوں کو اپوزیشن کی گرفتاریوں سے چھپانا چاہتی ہے،گیارہ ماہ میں تاریخ کا سب سے زیادہ 31.8 کھرب کا قرض ناکام حکومت کا معاشی جرم ہے،آئی ایم ایف اور ٹیکس وصولیوں کے اہداف میں مکمل ناکامی سے قومی مفادات کو سنگین خطرات لاحق ہیں۔ہفتہ کو قائد حزب اختلاف شہباز شریف کی زیر صدارت پارٹی کا اہم مشاورتی اجلاس ہوا ۔شہباز شریف نے خطاب کرتے ہوئے کہاکہ مسلم لیگ (ن) کسی خوف اور فکر کے بغیر کسان ، صنعت کار ، اور غریب کی آواز بنے گی،عوامی رابطہ مہم مزید تیزہوگی، ورکرز کنونشن منعقد ہونگے۔ انھوں نے کہاکہ مہنگائی، بے روزگاری، بجلی گیس کی قیمتوں میں ہوشربا اضافے نے عوام سے جینے کا حق چھین لیا ہے،تاجر، صنعتکار، دکاندار اور مزدور کے حقوق کی جنگ پوری قوت سے لڑیں گے۔ شہباز شریف نے کہاکہ یوم آزادی یوم یکجہتی کشمیر کے طور پر بھرپور انداز سے منایا جائے گا، کشمیریوں سے مکمل یکجہتی کے اظہار کے لیے 14 اگست کو لاہور میں پرچم کشائی کی تقریب سے خطاب کریں گے ،حکومت کشمیر، معیشت سمیت قومی اور عوامی معاملات پر اپنی تاریخی ناکامیوں کو اپوزیشن کی گرفتاریوں سے چھپانا چاہتی ہے، شہبازشریف نے کہا کہ گیارہ ماہ میں تاریخ کا سب سے زیادہ 31.8 کھرب کا قرض ناکام حکومت کا معاشی جرم ہے،آئی ایم ایف اور ٹیکس وصولیوں کے اہداف میں مکمل ناکامی سے قومی مفادات کو سنگین خطرات لاحق ہیں۔انھوں نے کہاکہ جیل، ہتھکڑی، گرفتاری اور گالی ہمیں ناکام نیازی کے جھوٹ بے نقاب کرنے سے نہیں روک سکتی ،اپوزیشن ملک و قوم کے مفادات کے لیے لئے ہر قربانی دینے کو تیار ہے۔ شہباز شریف نے کہاکہ جوہری پروگرام سمیت قومی مفاد کے کسی معاملے میں سودے بازی نہیں ہونے دیں گے،پاکستان مسلم لیگ (ن) کردارکشی اور انتقام کے ہتھکنڈے پہلے بھی بھگت چکی ہے۔انھوں نے کہاکہ عوام نے ہمیشہ مسلم لیگ (ن) اور اس کی قیادت کے خلاف زہریلے پروپیگنڈے کو مسترد کیا اور اس پر ہمیشہ اعتماد کیا۔

لاہور(مانیٹرنگ ڈیسک) چنیوٹ میں سوتیلے والدین نے 13سالہ بچی کی پیسے لے کر ساٹھ سالہ شخص سے شادی کرادی۔نکاح خواں ظفر علی کو جب علم ہوا بچی نابالغ ہے تو اس نے نکاح نامہ دینے سے انکار کر دیا۔سینئر صحافی ضیاءشاہد نے نابالغ بچی کی ساٹھ سالہ بوڑھے سے شادی پر بہت افسوس کا اظہار کیا اور کہا کہ پاکستان کے قانون کے مطابق تیرہ سال کی بچی کی شادی نہیں ہو سکتی شادی کے لئے عمر کا اٹھارہ سال ہونا ضروری ہے۔ چینل فائیو کے پروگرام ہیومین رائٹس واچ میں گفتگو کرتے ہوئے انہوں نے کہا کہ مولوی نے کو نکاح کرانے سے قبل نہیں پتہ تھا لڑکی نابالغ ہے نکاح کرانے کے بعد اس نے صرف نکاح نامہ دینے سے انکار کیا کہیں وہ خود نہ پکڑا جائے میں پوچھتا ہوں اس نے نکاح رکوانے کی کوشش کیوں نہیں کی وہ بڑا مولوی بنا پھرتا ہے کیا اسے دین کا علم نہیں کہ نابالغ بچی یا بچے کی شادی کی اسلام اجازت نہیں دیتا جو لوگ شادی میں شریک ہوئے وہ بھی مجرم اور ذمہ دار ہیں ۔بچی کا کوئی حقیقی والی وارث تو نہیں لیکن کیا نکاح میں شریک دیگر افراد یعنی محلے داروں یا سوسائٹی کا فرض نہیں تھا نکاح رکواتے۔جب نابالغ بچی کی شادی نہیں ہو سکتی تو بغیر شادی بچی بوڑھے کے حوالے کیسے کی گئی یہ بڑا ظلم ہے۔اب بات کھلنے پر پولیس کہتی ہے جس سے نکاح پڑھایا گیا وہ مل نہیں رہا یہ کیسے ممکن ہے تلاش کرنے پر وہ ملے نہ والدین پر دباﺅ ڈالا جائے تو وہ خود ہی بتائیں گے بچی کس سے بیاہ دی آخر راہ چلتے شخص کو تو لڑکی نہیں سونپ دی اس کا کوئی تو اتا پتہ ہو گا ضرور پولیس نے بھی پیسے لئے ہوں گے نہ ملنے کی سٹوری جھوٹی ہے۔میں کہتا ہوں پولیس سمیت ہم سب ذمہ دارہیں سوسائٹی ذمہ دار ہے جو خاموش ہے ۔ سب کی نظروں کے سامنے بچی فروخت ہوئی کوئی توبچی کی ذمہ داری لے اتنی بے حسی ٹھیک نہیں۔یہ نہ صرف جہالت ہے بلکہ جہالت سے زیادہ قانون شکنی ہے۔سابق ایم پی اے سعدیہ سہیل نے کہا بچی کی کم عمری میں شادی زندہ درگور کرنے کے مترادف ہے۔اس قسم کے بہت سے کیسز ہیں لوگ بچی گود لیتے ہیں جوان ہونے پر یا بیچ دیتے ہیں یا پھر پیسے لے کر بڑی عمر کے شخص سے بیاہ دیتے ہیں۔غریب لوگ زیادہ بچے پیدا کر کے آمدن کا ذریعہ سمجھتے ہیں۔جس بچی کا نکاح ہوا کیا اس کا شناختی کارڈ تھا شناختی کارڈ کے بغیرتو نکاح ہو ہی نہیں سکتا۔ایسے کیسز کو اجاگر کر کے ضیاءشاہد بڑ ا زبردست کام کر رہے ہیں جس پر وہ خراج تحسین کے مستحق ہیں۔حکومت بھی کم عمری کی شادیوں کو روکنے کے لئے کام کر رہی ہے۔چنیوٹ سے نمائندہ خبریں طاہر سیال نے بتایا کہ ہماری تحقیقات کے مطابق جس بچی کا نکاح کیا گیا وہ نابالغ تھی اب پولیس کہتی ہے کہ جس ساٹھ سالہ شخص سے نکاح ہوا وہ مل نہیں رہا۔چینل فائیو و خبریں کی ٹیم بچی اور ساٹھ سالہ شخص کو تلاش کر رہی ہے ہم بہت جلد انہیں تلاش کر کے پولیس کو قانونی کارروائی کے لئے کہیں گے۔