لاہور(ویب ڈیسک) لاہور ہائیکورٹ نے تمام خواتین اور معمولی جرائم میں ملوث قیدیوں کو رہا کرنے کا حکم دے دیا، عدالتی مراسلے میں ہدایت کی گئی کہ ایسے قیدیوں کی ضمانت کی درخواستیں ترجیحی بنیادوں پرسنی جائیں اور قانون کے مطابق منظور کی جائیں۔ میڈیا رپورٹس کے مطابق ڈی جی ڈائریکٹوریٹ آف ڈسٹرکٹ جوڈیشری نے صوبے بھر کے تمام سیشن ججز کو مراسلہ جاری کردیا ہے۔ مراسلہ ملک مشتاق احمد نے جاری کیا۔ مراسلے میں ہدایت کی گئی ہے کہ متعلقہ سیشن ججز ضمانت کی درخواستیں ٹرائل میں سماعت کیلئے مقرر کریں گے۔ کورونا سے بچاو¿ کیلئے درخواستیں متعلقہ سپرنٹنڈنٹس جیل کو دائر کرنے کی ہدایت کی جائے۔تمام خواتین، معمولی جرائم میں ملوث اور7 سال سے کم عمر قیدیوں کو رہا کردیا جائے، ایسے قیدیوں کی ضمانت کی درخواستیں ترجیحی بنیادوں پرسنی جائیں اور قانون کے مطابق منظور کی جائیں۔ اسی طرح سندھ ہائیکورٹ نے بھی 829 قیدیوں کو رہا کرنے کا حکم دیا ہے۔ سندھ ہائیکورٹ نے مراسلہ جاری کیا کہ معمولی جرائم میں ملوث قیدیوں کو فوری رہا کیا جائے۔ دوسری جانب محکمہ داخلہ پنجاب کی ہدایات کے تحت قیدیوں کو کورونا وائرس سے بچاو¿ تدارک کیلئے احتیاطی تدابیر پر عمل کیا جا رہا ہے۔ ترجمان کیمپ جیل لاہور نے بتا یا کہ منشیات سمگلنگ مقدمہ میں گرفتار ملزم عابد حسین کا کورونا وائرس ٹیسٹ مثبت آیا تھا‘یہ ٹیسٹ 22 مارچ کو چیف آفیسر ہیلتھ کی ٹیم کی زیر نگرانی لیا گیا اور 23 مارچ کو اسکی رپورٹ مثبت آئی، 23 مارچ کو ہی اس مریض کو فوری طور پر پاکستان کیڈنی اینڈ لیور انسٹیٹیوٹ لاہور منتقل کیا گیا‘جہاں سے اسے میوہسپتال کے کورونا آئسولیشن سنٹر میں داخل کرادیا گیا وہ اب تک وہیں زیر علاج ہے۔ انہوں نے کہاکہ عابد حسین کی کنٹکٹ ٹرسینگ پر کارروائی عمل میں لائی گئی ہے اور اس میں کسی قسم کی غفلت کا مظاہرہ نہیں کیا گیا‘اس ضمن میں زیر سماعت مقدمات میں گرفتار 5 قیدیوں کے کورونا وائرس ٹیسٹ کئے گئے ہیں اس میں ڈیوٹی پر موجود ایک جیل اہلکار بھی شامل ہے‘ممکنہ قیدوبند کے احاطے کو لاک ڈاو¿ن کردیا گیا ہے اور باقی قیدیوں کو قرنطنیہ کی سہولت فراہم کی گئی ہے۔ انہوں نے کہا کہ احاطے کو کلوروین سپرے سے جراثیم سے پاک کر دیا گیا ہے اور جراثیم کش ادویات،ہینڈ سینی ٹیزرز، صابن، گلوز اور ماسک جیل کے اندر اور باہر جانے کے راستے پر مہیا کیے گئے ہیں‘ ترجمان نے مزیدبتایا کہ محکمہ صحت پنجاب جیل ہذا میں 100بستروں پر مشتمل ایک ہسپتال بھی قائم کرے گا۔
لاہورہائیکورٹ: تمام خواتین، معمولی جرائم میں ملوث قیدیوں کو رہا کرنے کا حکم
