سائرہ کو طلاق اور صدف سے شادی، مسلسل تنقید پر شہروز کا منہ تو ڑ جواب

کرا چی (ویب ڈیسک)اداکار شہروز سبزواری اور ماڈل صدف کنول کی شادی کی خبر جیسے ہی سوشل میڈیا کی زینت بنی تو اس پر صارفین کی جانب سے الزامات اور تنقید کا ایک نا ختم ہونے والا سلسلہ شروع ہوگیا ہے۔شہروز اور صدف کی شادی کی خبر سنتے ہی سوشل میڈیا صارفین نے غیر معمولی رد عمل کا اظہار کیا اور ان کی جانب سے صدف کنول کو سائرہ اور شہروز کی طلاق کی وجہ قرار دیا جا رہا ہے۔دوسری جانب صدف اور شہروز پر تنقید کرنے کے ساتھ ساتھ صارفین سائرہ یوسف کے لیے ہمدردی کا اظہار بھی کر رہے ہیں۔ٹوئٹر پر صدف اور شہروز کا نام ٹاپ ٹرینڈ بنا ہوا ہے اور ان پر تنقید و الزامات کا سلسلہ تا حال جاری ہے۔اس ضمن میں اداکار شہروز سبزواری بھی چپ نہ بیٹھ سکے اور انہوں نے سوشل میڈیا پر جاری اس بحث کا جواب اپنے ویڈیو پیغام کے ذریعے دیا۔اداکار نے اپنے ویڈیو پیغام میں کہا کہ ‘جو کچھ میرے اور میرے خاندان کے بارے میں کہا جا رہا ہے وہ ناقابل برداشت ہے، میں حلفاً کہتا ہوں کو میری اور سائرہ کی علیحدگی کی وجہ کوئی عورت بشمول صدف کنول یا بے وفائی نہیں ہے’۔