لاہور(ویب ڈیسک)سرکاری ہسپتالوں پر عوام کے عدم اعتماد کے بعد پرائیویٹ ہسپتال مافیا کی چاندی ہو گئی۔ پرائیویٹ ہسپتال کرونا وائرس کے علاج کے نام پر غریب عوام کو لوٹنے لگے۔ایک مریض کو 14دن کیلئے پرائیویٹ ہسپتال میں رکھنے کیلئے 8لاکھ روپے وصول کئے جا رہے ہیں۔تفصیلات کے مطابق کرونا وائرس کے علاج کے نام پر پرائیویٹ ہسپتال مافیا سرگرم جو کہ کرونا وائرس سے متاثرہ مریضوں کے علاج کیلئے فی مریض 8لاکھ روپے وصول کر رہا ہے۔ اگر اس حساب سے دیکھا جائے تو 500بیڈز پر مشتمل پرائیویٹ ہسپتال میں کرونا وائرس کے علاج کیلئے آنے والے مریضوں سے محض 14دنوں میں40کروڑ روپے کماتے ہیں اور ماہانہ یہ رقم 80کروڑ روپے بنتی ہے ۔ دوسری جانب کرونا وائرس کے علاج میں مبینہ طور پر استعمال ہونے والی دوا60ہزار کی بجائے ایک لاکھ 50ہزار میں فروخت ہونے لگی۔ معلوم ہوا ہے کہ ایکٹیمرا نامی دوا کو کمپنی سے براہ راست سرکاری ہسپتالوں میں بھیجا جاتا ہے جہاں سے اسے بلیک میں فروخت کیا جا تا ہے۔عوام کی جانب سے بھی شکایات کی جا رہی ہیں کہ کسی بھی بیماری سے ہلاک ہونے والے مریضوں کو کرونا وائرس کے مریضوں میں شامل کرکے انکی لاشیں واپس دینے کیلئے بھی بھاری معاوضہ وصول کیا جا رہاہے
نجی اسپتالوں میں کرونا علاج، 14دن کے 8 لاکھ، ماہانہ 80کروڑ تک کمائی
