(ویب ڈیسک):وزیر اعظم عمران خان کی اعلان کردہ اپنا گھر اسکیم کے تحت چھ ماہ میں ایک لاکھ مکانات کی تعمیرشروع ہوجائے گی۔
نیشنل کوآرڈینیشن کمیٹی برائے ہاؤسنگ ، کنسٹرکشن اینڈ ڈیولپمنٹ کے اجلاس کی مزید تفصیلات سامنے آگئیں۔
تعمیراتی منصوبوں سے متعلق تیرہ بڑے تعمیراتی گروپس نے تیرہ سوارب کے تعمیراتی منصوبے شروع کرنے پررضامندی ظاہرکردی ہے۔ آئندہ 6 ماہ میں ایک لاکھ مکانات کی تعمیر شروع ہوجائے گی۔
اعلامیے کے مطابق وزیراعظم کی زیرصدارت اجلاس میں سرمایہ کاروں نے حکومتی تعاون کو حوصلہ افزا قرار دیا۔
سرمایہ کاروں کاکہناتھا کہ حکومتی اقدامات کی وجہ سے تعمیراتی شعبے میں وسیع سرمایہ کاری کی راہ ہموار ہو گئی ہے۔ایسوسی ایشن آف بلڈرز اینڈ ڈیولپرز نے مزید سرمایہ کاری پربھی آمادگی ظاہرکی ۔
اعلامیے کے مطابق قرضوں کے حصول میں آسانی سے تعمیراتی سرگرمیوں میں بڑی پیشرفت ہوگی۔
وزیراعظم نے ہدایت کی کہ ون ونڈو سہولت یقینی بنانے کے لیے کڑی نگرانی کی جائے۔نئے رہائشی منصوبوں میں گیس ، بجلی اور دیگر بنیادی ضروریات کی بروقت فراہمی یقینی بنائی جائے۔
