تازہ تر ین

سعودی سفیر کا یتیم بچوں کی مدد کا اعلان

ویب ڈیسک : سعودی سفیر نواف بن سعید المالکی نے یتیم بچوں کی ہمیشہ مدد کرتے رہنے کااعلان کیا ہے۔

تفصیلات کے مطابق سعودی سفیر نواف بن سعید المالکی نے پاکستان سویٹ ہوم کا دورہ کیا ہے جہاں پر انہوں نے اپنے خیالات کا اظہار کرتے ہوئے کہا کہ میں پاکستان سویٹ ہوم کا رضاکار ہوں اور جہاں تک ممکن ہو سکا میں اپنا تعاون پاکستان سویٹ ہوم کے بچوں کے لیے جاری رکھوں گا۔

سعودی سفیر نواب بن سعید المالکی نے کہا ہے کہ مجھے ان بچوں میں ڈاکٹر، انجینئر، جنرل، وکیل اور جج نظر آرہا ہے اور میں بھی اب پاکستان سویٹ ہوم کی ٹیم کا حصہ ہوں۔

بچوں نے گلدستہ پیش کر کے خوش آمدید کہا اور انہوں نے بچیوں اور بچوں کے سر پر ہاتھ رکھا اور بات چیت کی۔

یاد رہے کہ سعودی سفیر کے سوئٹ ہوم کا دورہ کرنے پر پاکستان سویٹ ہوم کے بچوں نے گارڈ آف آنر پیش کیا ہے۔

زمردخان سرپرست اعلی پاکستان سویٹ ہوم نے سعودی سفیر اور تمام آنے والے مہمانوں کا شکریہ ادا کیا اور بتایا کہ کہ پاکستان سویٹ ہوم کے بچوں نے میٹرک میں بہترین نمبر حاصل کیے ہیں۔

 پاکستان سویٹ ہوم نے ان یتیم بچوں کے لئے دنیا کا پہلا کیڈٹ کالج بنایا ہے۔

جمیل ہاشمی ریٹائرڈ ایس ایس پی موٹر وے پولیس نے بھی تقریب سے اپنے خیالات کا اظہار کرتے ہوئے کہا کہ میں زمرد خان کو خراج تحسین پیش کرتا ہوں کہ انہوں نے ان تمام بچوں کے سر پر ہاتھ رکھا اور آج یہ اپنے منزل کی جانب  رواں دواں ہیں اورآج کے بعد میں پاکستان سویٹ ہوم کا حصہ ہوں۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved