پاکستان مسلم لیگ ن کی نائب صدر مریم نواز نے کہا ہے کہ حکومت کی ہر ممکن کوشش ہے کہ پی ڈی ایم میں کوئی دراڑ پڑے جائے لیکن ہم کسی صورت ایسا نہیں ہونے دینگے۔
اپنے ایک بیان میں مریم نواز نے کہا ہے کہ پی ڈی ایم کا مستقبل بدلا ہوا پاکستان ہے جو آئین اور قانون کے مطابق چلے گا اور صرف اتنا ہی نہیں بلکہ ن لیگ نے جتنی قربانیاں دی ہیں جتنا نقصان برداشت کیا ہے اب ہمارا بیانیہ تبدیل نہیں ہو گا ۔
انہوں نے کہا کہ بلاول کے بیان سے کوئی اعتراض نہیں ہے کیونکہ وہ واضح بیان تھا اور بلاول کے بیان کو غلط رنگ دینا کچھ لوگوں کی ضرورت ہے ۔
ان کا کہنا تھا کہ بلاول، مریم، ن لیگ اور پیپلز پارٹی کو معلوم ہے کہ ایسا کون اور کیوں کروا رہا ہے لیکن ہم لوگ ایسا نہیں ہونے دیں گے ۔
مریم نواز نے کہا ہے کہ گلگت بلتستان میں دھاندلی ہو چکی ہے اور کروائی بھی جا رہی ہے اور دھاندلی کے باوجود گلگت بلتستان الیکشن میں ن لیگ نے خدمت کی ہوئی ہے اس لیے انشاء اللہ ہماری اچھی کارکردگی ہو گی۔
