تازہ تر ین

کورونا وائرس کے باعث گریمی ایوارڈز بھی ملتوی

لاس اینجلس :دنیا بھرکی نگاہوں کا مرکز رکھنے والے عالمی ایوارڈز” گریمی ” کی تقریب کورونا کے بڑھتے ہوئے کیسز کی وجہ سےملتوی کردی گئی ۔

غیر ملکی خبر رساں ادارے کے مطابق لاس اینجلس میں دنیائے موسیقی کے 63 ویں سالانہ گریمی ایوارڈز 2021 کی رنگا رنگ تقریب  31 جنوری  کے بجائے اب  14 مارچ کو منعقد کی جائے گی ۔ منتظمین کی جانب سے جاری بیان میں کہا گیا ہے کہ صحت کے ماہرین، میزبان اور فنکاروں سے بات چیت کے بعد گریمی ایوارڈ کی تقریب کوملتوی کرنے  کا فیصلہ کیا گیا۔ رپورٹ میں بتایا گیا ہے کہ لاس اینجلس میں کورونا کیسز کی تشویش ناک صورتحال کے باعث گریمی ایوارڈ ملتوی کرنے کا فیصلہ کیا گیا۔بیان میں مزید کہا گیا ہے کہ ہمارے نزدیک میوزک کمیونٹی اور ان سینکڑوں لوگوں کی حفاظت سے زیادہ کچھ اہم نہیں جو اس شو کی تیاری میں شریک ہوتے  ہیں۔
ایوارڈز شوکی تقریب کے ملتوی ہونے کی سب سے پہلے اطلاع معروف مصنفہ رولنگ اسٹون کی جانب س ایک پروگرام میں سامنے آئی ۔ ایوارڈزملتوی ہونے سےہالی وڈکے ایک اوربڑے میلے کی رونقیں ماند پڑگئی ہیں ۔ یاد رہے کہ اس سے قبل  اکیڈمی ایوارڈز کی تقریب بھی کورونا کے باعث 28 فروری کے بجائے 25اپریل تک موخر کی گئی تھی  ۔

اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain