آرمی چیف جنرل قمر جاوید باجوہ نے کہا ہے کہ پاک فوج برطانیہ کے ساتھ دوستانہ تعلقات کی بہت قدر کرتی ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے برطانوی اسٹریٹجک کمانڈ کے سربراہ جنرل پیٹرک نکولس نے ملاقات کی ہے۔
ملاقات میں پیشہ وارانہ امور اورخطے کی سیکیورٹی صورتحال پر بات چیت کی گئی۔
جنرل پیٹرک نے دہشتگردی کے خلاف جنگ اور خطے کے امن و استحکام کے لیے پاک فوج کی پرخلوص کوششوں کو سراہتے ہوئے خاص طور پر افغان امن عمل میں پاک فوج کی کوششوں کو تسلیم کیا۔
آرمی چیف نے برطانوی جنرل کا شکریہ ادا کرتے ہوئے کہا کہ پاک فوج برطانیہ کے ساتھ دوستانہ تعلقات کی بہت قدر کرتی ہے۔
