تازہ تر ین

فرنچ اوپن ٹینس: میچ فکسنگ کے الزام میں خاتون کھلاڑی گرفتار

پیرس: فرنچ اوپن ٹینس میں میچ فکسنگ کے الزام میں روس کی خاتون کھلاڑی یانا سیزیکووا کو گرفتار کرلیا گیا۔

غیرملکی خبررساں ادارے کی رپورٹ کے مطابق روسی کھلاڑی یانا سیزیکووا نے گزشتہ روز میچ کھیلا تھا، یانا سیزیکووا کو اپنی پارٹنر کے ہمراہ آسٹریلوی جوڑی سے شکست ہوئی تھی۔

یانا سیزیکووا کو جمعرات کو ایونٹ کے پہلے میچ کے بعد پیرس پولیس نے حراست میں لیا۔

پروسیکیوٹر آفس کے مطابق روسی کھلاڑی نے گزشتہ برس فرنچ اوپن ٹینس کے ڈبلز ایونٹ میں فکسنگ کی تھی۔

Image: Yana Sizikova

میچ گزشتہ برس 30 ستمبر کو کھیلا گیا تھا جس میں سیزیکووا اور ان کی پارٹنر کو شکست ہوئی تھی۔

دوسری جانب روسی کھلاڑی کے وکیل فریڈرک بیلوٹ کا کہنا ہے کہ سیزایکووا کو پولیس تحویل سے رہا کردیا گیا ہے۔

بیلوٹ نے وضاحت دی کہ سیزایکووا پر الزام لگایا گیا تھا کہ انہوں نے ڈبلز ایونٹ میں شرکت کی تھی اور فکسنگ کرتے ہوئے میچ ہار گئی تھیں، سیزایکووا نے ٹینس حکام سے رابطہ کیا تھا اور انہیں سارے واقعے سے آگاہ کردیا تھا۔

وکیل کا کہنا تھا کہ سیزایکووا اسی لیے پرسکون تھی اور انہوں نے فرنچ اوپن 2021 کا ویمنز ڈبلز ٹورنامنٹ کھیلنے گئی تھیں۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain