سماجی رابطے کی مقبول ترین ویب سائٹ ٹوئٹر اپنے پلیٹ فارم پر دو نئے فیچرز لانے پر غور کررہا ہے۔
تفصیلات کے مطابق کمپنی ایسے خیال پر کام کررہی ہے جس کے تحت ٹوئٹر پر ٹوئٹس محدود کیے جاسکیں گے اسی طرح صارفین کے لئے دوسری سہولت ریپلائیز کو فلٹر کرنے کے حوالے سے ہے جس سے صارفین مخصوص الفاظ یا جملوں کا انتخاب کرسکیں گے ،اگر کوئی بھی فرد آپ کے لئے جملہ لکھتا ہے اور وہ آپ پسند نہیں کرتے تو ٹوئٹر فوراً متنبہ کردے گا کہ یہ الفاظ اس فرد کی ترجیح کے خلاف ہے۔
مستقبل میں ٹوئٹر پر کسی صارف کے تمام فالورز مخصوص افراد کو نظر آیا کریں گے ،پلیٹ فارم آپ کو آپشن دے گا کہ یہ ٹوئٹر دوستوں یا پھر سب کے لئے ہے۔
اس کے علاوہ ٹوئٹر کے فیچر میں 2 آڈینس گروپس ہوں گے ایک ایوری ون اور دوسرا ٹرسٹڈ فرینڈز جن میں سے کسی ایک کا انتخاب ٹوئٹ کرتے ہوئے کیا جائے گا۔
واضح رہے کہ ٹوئٹر کی جانب سے یہ ابھی خیال ہے اس پر عملی اقدامات کے حوالے سے کچھ کہنا قبل از وقت ہوگا۔
