کراچی : امریکی ڈالر ایک ہفتے کے دوران ڈالر65 پیسے مہنگا ہوکر 171.18 روپے اور یورو 50 پیسے مہنگا ہو کر 199روپے بند ہوا۔
تفصیلات کے مطابق امریکی ڈالر اور دیگر کرنسیوں کی قیمتوں میں اتار چڑھاﺅ سے متعلق ہفتہ وار رپورٹ جاری کر دی گئی، جس میں بتایا گیا ہے کہ ایک ہفتے میں انٹر بینک میں ڈالر65 پیسے مہنگا ہوا۔
رپورٹ میں بتایا گیا کہ ایک ہفتے کے دوران انٹر بینک میں ڈالر170.53 روپے سے بڑھ ہو کر 171.18 روپے اور اوپن مارکیٹ میں ڈالر 80 پیسے مہنگا ہو کر 171.80روپے کا ہوگیا۔
دیگر کرنسیوں کے حوالے سے رپورٹ کے مطابق ہفتے میں اوپن مارکیٹ میں یورو 50 پیسے مہنگا ہو کر 199روپے ، برطانوی پاونڈ 2 روپے مہنگا ہوکر 236روپے کا ہوگیا۔
ایک ہفتے میں امارتی درہم 40 پیسے مہنگا ہوکر48.30 روپے اور سعودی ریال 30پیسے مہنگا ہوکر 45.70 روپے کا ہوگیا۔
