غیر ملکی خبر رساں ادارے کے مطابق ترک پارلیمنٹ میں بجٹ سیشن کے دوران امور داخلہ، صنعت اور ٹیکنالوجی کی وزارتوں کے بجٹ پر ارکان گتھم گتھا ہو گئے اور ایک دوسرے پر تھپڑوں اور مکوں کی بارش کردی۔
ترک پارلیمنٹ میں بجٹ سیشن کے دوران ایک دن میں دو بار ارکان گتھم گتھا ہوئے ۔ دونوں بار لڑائی کی بنیاد وزیر داخلہ سلیمان حسن صویلو بنے ۔ پہلی بار لڑائی اس وقت شروع ہوئی جب وزیر داخلہ نے ایک اپوزیشن رکن کو جھوٹا قرار دیا جبکہ دوسری بار لڑائی اس بات پر ہوئی کہ وزیر داخلہ نے اپوزیشن کے سوالوں کا جواب نہ دیا ۔
وزیر داخلہ اپوزیشن کے احتجاج پر غصے سے چیختے چلاتے بھی نظر آئے۔ اپوزیشن لیڈر کی تقریر پر بھی وزیر داخلہ اور حکومتی ارکان غصے سے ان کی طرف لپکے اور انہیں مارنے کی کوشش کی ۔ دونوں بار کی لڑائی میں حکومتی رکن الپائی اوزلان آگے آگے تھے جو اس سے پہلے بھی پارلیمنٹ میں ہونے والے جھگڑوں میں سب سے آگے رہتے ہیں۔ لڑائی کے باوجود تینوں وزارتوں کے بجٹ منظور کر لیے گئے ۔
