سری نگر : بھارتی فوج نےمقبوضہ کشمیر میں بربریت کا مظاہرہ کرتے ہوئے محرم الحرام کا جلوس نہ نکلنے دیا اور عزاداران کو بدترین تشدد بنایا جبکہ نوجوان کو گاڑی تلے روند کر شہید کردیا۔

تفصیلات کے مطابق مقبوضہ کشمیر بھارتی فوج کی ریاستی دہشت گردی جاری ہے ، بھارتی فوج نے محرم الحرام کے جلوس میں عزاداران پر تشدد کیا اور پیلٹ گن سےکئی نوجوان کو زخمی کردیا جبکہ درجنوں کشمیری نوجوانوں کو بھی گرفتار کرلیا۔

اس دوران بھارتی فورسز نے ایک نوجوان کو گاڑی تلے روند کر شہید کردیا، اس موقع پر موجود میڈیا  نمائندگان نے کوریج کرنے کی کوشش کی تو بھارتی فورسز کی جانب سے صحافیوں پر لاٹھی چارج کیا گیا اورکیمرے توڑدیئے گئے۔

بھارت کی قابض فورسز کی جانب سے ریاستی دہشت گردی پر حریت رہنماعبدالحمیدلون نے درعمل کا اظہار کرتے ہوئے کہا مقبوضہ کشمیرمیں مذہبی تہوارمنانےکی بھی اجازت نہیں، وادی میں جلوس پربھارتی فوج کاتشدد قابل مذمت ہے۔

عبدالحمیدلون کا کہنا تھا کہ سری نگرمیں بھارتی قابض فوج نےبربریت کی انتہا کردی ہے، نوجوان کوبھارتی فوج نےگاڑی سےکچلنے کی بھی کوشش کی، پیلٹ گن سےکئی نوجوان بری طرح سےشدیدزخمی ہوئے جبکہ بھارتی فوج نےدرجنوں کشمیری نوجوانوں کوگرفتارکیاہے۔

دوسری جانب حریت رہنما کی اہلیہ مشعال ملک نے اپنے بیان میں کہا کہ مقبوضہ کشمیر میں محرم کے جلوسوں پر پابندی عائد ہے، بھارتی فوج نےلوگوں کو گھروں تک محدود کر رکھا ہے اور مقبوضہ کشمیرمیں مذہبی اجتماعات پر پابندی لگا رکھی ہے۔

مشعال ملک کا کہنا تھا کہ دنیا کے کسی بھی ملک میں مذہبی رسومات پر پاپندی عائد نہیں ہوتی، بھارتی فوج نے ایک نوجوان کو گاڑی تلے روند کر شہید کردیا، کشمیریوں کو اپنی مرضی سے سانس لینے کا حق بھی نہیں۔

اسلام آباد: کورونا کے حملے جاری، گزشتہ چوبیس گھنٹے کے دوران ملک بھر میں مزید 66 افراد زندگی کی بازی ہار گئے، کورونا کے مزید 3 ہزار 974 نئے کیسز رپورٹ ہوئے ہیں۔

جان لیوا وائرس سے اموات کا سلسلہ جاری،ملک بھر میں مزید 66افراد انتقال کر گئے ، مجموعی اموات کی تعداد 24ہزار 639ہو گئی ، ملک میں مثبت کیسز کی شرح 6اعشاریہ نو ایک ریکارڈ کی گئی۔

این سی او سی کے مطابق پاکستان میں ایکٹو کیسز کی تعداد 88 ہزار 209 ہے۔ مجموعی کیسز کی تعداد 11 لاکھ 9 ہزار 274 ہو گئی۔ ملک بھر میں مزید 3ہزار 974کیسز رپورٹ ہوئے جبکہ 9لاکھ 96ہزار 426افراد کورونا سے صحت یاب ہوئے۔

اعدادوشمار کے مطابق پنجاب میں 3لاکھ 74ہزار 916، سندھ میں 4لاکھ 14ہزار 850، خیبر پختونخوا میں ایک لاکھ 53ہزار 836، اسلام آباد میں 94ہزار 714 کیسز رپورٹ ہوئے ہیں جبکہ بلوچستان میں 31ہزار 686، آزاد کشمیر میں 29ہزار 790اور گلگت بلتستان میں 9ہزار 482افراد کورونا سے متاثر ہیں۔

لاہور:  رنجیت سنگھ کے مجسمے کو نقصان پہنچانے کا معاملہ، لاہو پولیس نے ملزم کو گرفتار کرلیا۔

سی سی پی او لاہور غلام محمود ڈوگر کے مطابق رنجیت سنگھ کے مجسمے کو نقصان پہنچانے والے ملزم رضوان کو گرفتار کر لیا گیا۔ ملزم نے ہتھوڑے سے مجسمے کو نقصان پہنچایا۔ ملزم کے خلاف سخت قانونی کارروائی عمل میں لائی جائے گی۔ سی سی پی او لاہور غلام محمود ڈوگر نے ایس پی سٹی کو فوری موقع پر دورہ کرنے کی ہدایت کر دی۔

دوسری جانب وزیراعظم کے معاون خصوصی ڈاکٹر شہباز گل نے ٹویٹ کرتے ہوئے کہا کہ ‏لاہور میں رنجیت سنگھ کے مجسمے کو نقصان پہنچانے والے ملزم کے خلاف فوری کاروائی ہوگی، پچھلے دنوں سمیع اللہ کے مجسمے کی بھی بے حرمتی کی گئی، یہ بیمار ذہنیت کی علامات ہیں، ایسے اقدام سے پاکستان کے تشخیص کو نقصان پہنچانے کی کوشش کی جاتی ہے، پولیس ایسے ملزموں کے خلاف سخت کاروائی کرے گی۔