افغان طالبان کے نائب امیر وقطر میں سیاسی دفتر سربراہ ملا عبدالغنی برادر نے فلسطینی مزاحمتی تنظیم حماس کے سربراہ و سابق وزیراعظم فلسطین اسماعیل ہانیہ سے ملاقات کی۔
حماس کے سربراہ اور ملا عبدالغنی برادر کی قیادےت میں وفد کی ملاقات رواں ہفتے ہوئی جس میں دو طرفہ تعلقات پر تبادلہ خیال کیا گیا۔
اسرائیلی اخبار نے دعویٰ کیا کہ دونوں رہنماؤں کی ملاقات قطر کے دارالحکومت دوحا کے نامعلوم مقام پر ہوئی۔
اخبار کے مطابق ملا برادر نے حماس کو اسرائیل کے خلاف مزاحمت پر مبارکباد پیش کی۔
دوسری جانب یہ رپورٹس بھی منظر عام پر آئی ہیں کہ اسماعیل ہانیہ نے افغان دارالحکومت کابل پر قبضے کے بعد ملاعبدالغنی برادر کو ٹیلی فون کیا اور مبارکباد پیش کی ہے۔
تاہم آزاد ذرائع سے اس خبر کی تصدیق نہیں ہوسکی ہے۔
