لاہور: (ڈیلی خبریں) پاکستان کرکٹ ٹیم کے لیگ سپنر یاسر شاہ بھی مبینہ زیادتی کیس میں بے گناہ قرار دیئے جانے کے بعد بول پڑے اور کہا الحمدللہ! سچ ثابت ہو گیا ہے ۔
سماجی رابطے کی ویب سائٹ ٹوئٹر پر پوسٹ شیئر کی جس میں قومی کرکٹر یاسرشاہ نے لکھا کہ اہل خانہ ، پرستاروں کی دعاؤں اور پی سی بی کی کوششوں سے زیادتی کیس ختم ہو گیا۔
انہوں نے مزید لکھا کہ میں ملک کی نمائندگی کرتا ہوں، کیس سے پاکستان کی بدنامی ہوئی، جھوٹے مقدمے میں پھنسانے والوں کے خلاف ہتک عزت کا دعویٰ کرنے پر کام شروع کر دیا ہے ۔
