تازہ تر ین

نیو انار کلی دھماکے میں معصوم افراد کی ہلاکتیں قابل مذمت ہے، حافظ سعد رضوی

حافظ سعد رضوی نے کہا ہے کہ نیو انار کلی دھماکے میں معصوم  افراد کی ہلاکتیں قابل مذمت ہے۔

امیر تحریک لبیک پاکستان حافظ سعد رضوی نے لاہور میں انار کلی بازار کے پاس  دھماکے میں قیمتی جانوں کے ضیاع پر افسوس کا اظہار کیا ہے۔

انہوں نے کہا کہ لاہور میں بم دھماکے کی پر زور مذمت کرتے ہیں ، دھماکے میں معصوم  افراد کی ہلاکتیں قابل مذمت ہے ، جاں بحق افراد کے اہلخانہ سے دلی تعزیت اور ہمدردی کا اظہار کرتے ہیں۔

حافظ سعد حسین رضوی نے کہا کہ بم دھماکے کے زخمیوں کی جلد صحتیابی اور شہداء  کیلئے دعاگو ہیں ، دہشت گردی کے خلاف پوری قوم ایک پیج پر افواج پاکستان اور سیکیورٹی اداروں کے ساتھ ہے۔

امیر تحریک لبیک پاکستان نے کہا کہ دھماکے میں ملوث عناصر کو گرفتار کرکے کیفرِ کردار تک پہنچانے کیلئے حکومت کو عملی اقدامات کرنے ہونگے۔

واضح رہے کہ لاہور کے علاقے نیوانارکلی پان منڈی میں دھماکے سے 3 افراد جاں بحق جب کہ 20 زخمی ہوگئے ہیں۔

لاہور کے علاقے نیو انار کلی بازار کی پان منڈی میں عین اس وقت دھماکا ہوا جب لوگوں کی بڑی تعداد وہاں موجود تھی۔

دھماکا اس قدر شدید تھا کہ اس سے 6 موٹر سائیکلیں اور اردگرد کی دکانیں تباہ جب کہ گاڑیوں میں بھی آگ لگ گئی۔

دھماکے کے زخمیوں کو فوری طور پر قریبی اسپتال منتقل کردیا گیا۔

طبی عملے نے 3 افراد کے جاں بحق ہونے کی تصدیق کردی ہے جب کہ 20  زخمیوں کو طبی امداد فراہم کی جارہی ہے۔

سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے جب کہ پولیس کی خصوصی ٹیمیں شواہد اکٹھا کررہی ہیں۔

ڈی آئی جی آپریشنز کا کہنا ہے کہ ابتدائی شواہد سے ایسا لگتا ہے کہ دھماکے میں موٹرسائیکل استعمال کی گئی ہے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain