لاہور: (ویب ڈیسک) ترجمان پولیس کا کہنا ہے کہ پنجاب پولیس کا آفیشل ٹویٹر اکاؤنٹ ہیک کرلیا گیا ہے، آفیشل اکاؤنٹ کی بحالی تک پنجاب پولیس اپ ڈیٹس کا ٹویٹر استعمال ہوگا۔
تفصیلات کے مطابق پنجاب پولیس کا آفیشل ٹویٹر اکاؤنٹ ہیک کرلیا گیا، ترجمان کا کہنا ہے کہ ہیکرز نے آج صبح اکاؤنٹ ہیک کیا۔
ترجمان کا کہنا ہے کہ اکاؤنٹ کی بحالی کے لیے سائبر کرائم ونگ کی معاونت سے کام جاری ہے، آفیشل اکاؤنٹ کی بحالی تک پنجاب پولیس اپ ڈیٹس کا ٹویٹر استعمال ہوگا۔
