اسلام آباد: (ویب ڈیسک) وزیر داخلہ شیخ رشید نے کہا ہے کہ پاک افغان بارڈر پر 2680 کلومیٹر طویل باڑ مکمل کر لی، 20 کلو میٹر رہ گئی جسے جلد مکمل کر لیں گے۔
سینٹ اجلاس سے خطاب کرتے ہوئے وزیر داخلہ شیخ رشید نے کہا کہ اسلام آباد میں دہشتگردی کے واقعے میں ایک کانسٹیبل شہید ہوا، ٹی ٹی پی کے دو دہشتگرد مارے گئے جو انہوں نے قبول کیا ہے۔ لاہور دھماکے کی تحقیقات جاری ہیں، ملکی امن و امان خطرے میں ڈالنے والوں کو کسی صورت معاف نہیں کیا جائے گا۔ انہوں نے کہا کہ اپوزیشن شوق سےمارچ کرے، مشورہ ہے مولانا بلاول کیساتھ مل کرمارچ کریں۔
دریں اثنا شیخ رشید نے دارالخلافہ لوکل گورنمنٹ آرڈیننس 2021 ایوان میں پیش کیا جبکہ پاکستان نرسنگ کونسل ایمرجنسی مینجمنٹ آرڈینس بل وفاقی وزیر سینیٹر شبلی فراز نے پیش کیا۔
