لندن: (ویب ڈیسک) یوکرین تنازعے کے باعث عالمی مارکیٹ میں تیل کی قیمتوں میں اضافہ دیکھنے میں آیا۔ برطانوی کروڈ آئل کی قیمت سو ڈالر فی بیرل کے قریب پہنچ گئی۔
عالمی منڈی میں برینٹ کروڈ آئل کی قیمت ایک وقت میں ساڑھے 99 ڈالر فی بیرل تک پہنچ گئی تھی جو سات سال کی بلند ترین سطح ہے۔ اور تیل اب ساڑھے چھیانوے ڈالر فی بیرل پر فروخت ہو رہا ہے۔ یوکرین اور روس کے تنازعہ میں غیر یقینی کی صورتحال بدستور موجود ہیں اور تیل کی قیمتیں بڑھنے کا خدشہ بھی برقرار ہے۔
