پشاور: (ویب ڈیسک) پشاور کے مختلف علاقوں میں قائم سستے بازارغیر فعال ہونے سے مہنگائی کے مارے شہریوں کو سستی اشیاء کی فراہمی ممکن نہ ہوسکی، شہریوں نے فعال کرنے کا مطالبہ کر دیا۔
پشاور میں اشیائے خورونوش کی بڑھتی ہوئی قیمتوں نے جہاں شہریوں کو پریشان کررکھا ہے تو وہیں حکومت کی جانب سے سستے بازاروں کے غیر فعال ہونے سے سستی اشیاء کی خریداری بھی پہنچ سے باہرہو گئی۔
اشیائے خورونوش کی مد میں سبسڈی نہ دینے پر سستے بازاروں کے دکانداروں نے نقصان کرنے کی بجائے سٹال چھوڑ دیئے، شہری کہتے ہیں حکومت سستے بازاروں کو فعال کرنے سمیت اشیائے خورونوش کی سبسڈی پر فراہمی کو یقینی بنائے۔
شہر کے تمام سستے بازار ویران پڑے ہیں جبکہ کئی بازاروں میں مقامی دکانداروں نے گودام بنا رکھے ہیں۔
