لاہور: (ویب ڈیسک) پاکستان کے مایہ ناز پروفیشنل باکسر محمد وسیم 19 مارچ کوباکسنگ رنگ میں اتریں گے۔
رپورٹس کے مطابق محمد وسیم ورلڈ ٹائٹل فائٹ کےلیے رنگ میں اتریں گے جہاں ان کا مقابلہ برطانوی باکسر سنی ایڈورڈز سےہوگا۔
رپورٹس کے مطابق پاکستانی باکسر محمد وسیم اور برطانوی باکسرکا مقابلہ دبئی میں ہوگا۔
واضح رہے کہ برطانوی باکسر سنی ایڈورڈز 2 بار آئی بی ایف فلائی ویٹ چیمپئن رہ چکےہیں۔
19 مارچ کے مقابلے کے حوالے سے محمد وسیم کا کہنا ہے کہ میں ورلڈ ٹائٹل کیلئے دوسری بار رنگ میں اتروں گا اور یہ مقابلہ پاکستان اور ایشیا کی تاریخ کا سب سےبڑا مقابلہ ہوگا۔
