لاہور: (ویب ڈیسک) گلوکار علی ظفر نے اسلامی کانفرنس تعاون تنظیم کے اجلاس کے انعقاد کے موقع پر اپنے پیغام میں کہا ہے کہ آئیں امن کا پیغام بن کر سب یکجان ہو جائیں اور پوری انسانیت کی بقا اور سلامتی کی دعا کریں۔
گلوکار کا اپنے ٹویٹر پیغام میں کہنا تھا کہ کسی بھی فنکار کے لئے اس سے بڑی اعزاز کی کیا بات ہو سکتی ہے کہ اس کی آواز ایسے مبارک دن اور مقصد کی آواز بنے۔ بے شک وہ (اللہ تعالی) نہایت رحمان و رحیم ہے۔
واضح رہے کہ اسلامی تعاون تنظیم کی وزرائے خارجہ کونسل وفاقی دارالحکومت اسلام آباد میں جاری ہے جس میں 48 سے زائد ملکوں کے وزرائے خارجہ اور مندوبین شریک ہیں۔ گلوکار علی ظفر کی خاص بات یہ ہے کہ انہوں نے 48 ویں اسلامی تعاون تنظیم کانفرنس کا تھیم سانگ گایا۔
