ممبئی: (ویب ڈیسک) سابقہ مِس یونیورس اور بھارتی فلم انڈسٹری کی معروف اداکارہ لارا دتہ کا ممبئی میں واقع گھر کو سِیل کردیا گیا ہے۔
بھارتی میڈیا رپورٹس کے مطابق اداکارہ کا کورونا ٹیسٹ مثبت آنے پر بری ہان ممبئی میونسپل کارپوریشن ( بی ایم سی ) نے ان کا گھر سِیل کیا۔
اطلاعات کے مطابق بی ایم سی حکام نے لارا دتہ کے گھر کو سِیل کرتے ہوئے اس علاقے کو مائیکرو کنٹینمنٹ زون ڈکلیئر کیا۔
رپورٹس کے مطابق اداکارہ کے گھر میں صرف ان میں ہی کورونا کی تشخیص ہوئی ہے تاہم لارا نے کورونا ٹیسٹ مثبت آنے کےحوالے سے خود کوئی باضابطہ بیان نہیں دیا۔
