لاہور : (ویب ڈیسک) گزشتہ رات پاکستان تحریک انصاف نے لاہور میں مینار پاکستان پر اپنا عوامی پاور شو کیا، جلسے میں عوام کی کتنی بڑی تعداد نے شرکت کی اس پر ہمیشہ کی طرح بحث کا سلسلہ شروع ہو گیا۔
جلسے کے دوران ہی وزیر اطلاعات مریم اورنگزیب نے مینار پاکستان میں جلسہ گاہ کی ایک تصویر شیئر کی، جس میں پنڈال خالی دیکھا جا سکتا ہے۔ جس پر انہوں نے طنزیہ کیپشن دیا کہ ”ویسے پوچھنا یہ تھا کہ اِس کو نہ دکھانے کی وجہ کیا ہو گی” ، اس کے ساتھ مریم اورنگزیب نے ہنسنے والے ایموجیز کا بھی استعمال کیا۔
مریم کے اس ٹوئٹ کو مریم نواز نے بھی خوب انجوائے کیا اور ری ٹوئٹ کرتے ہوئے لکھا کہ M باز آ جائیں، اور ساتھ انہوں نے بھی ہنسنے والے ایموجی بنائی۔
