لاہور: (ویب ڈیسک) پاکستان میں فیس بک کا آفس کھولنے کے حوالے سے اہم پیشرفت سامنے آئی ہے۔
فيس بک کے نمائندے مائيکل کی ڈائريکٹر ايف آئی اے سائبر کرائم ہمايوں بشير سے ملاقات ہوئی جس میں پاکستان میں دفتر کھولنے سے متعلق بات چیت کی گئی۔
ملاقات میں ڈائریکٹر ایف آئی اے نے فیس بک کے نمائندے پر زور دیا کہ سری لنکا، بھارت اور دیگر ممالک کی طرح فیس بک کو پاکستان میں بھی اپنا آفس کھولنے کی ضرورت ہے۔
ایف آئی اے اور فیس بک میں معلومات کا دائرہ کار بڑھانے پر غور کیا گیا، فيس بک کا نمائندہ جولائی ميں دوبارہ ملاقات ميں پيشرفت سے آگاہ کرے گا۔
خیال رہے کہ پی ٹی آئی کے گزشتہ دور حکومت میں وفاقی وزیر سائنس اینڈ ٹیکنالوجی کی حیثیت سے فواد چودھری نے بھی فیس بک، گوگل اور دیگر پلیٹ فارمز کو پاکستان میں اپنے دفاتر کھولنے کی دعوت دی تھی اور کہا تھا کہ حکومت نے فیس بک سے بات کی ہے کہ وہ اپنا دفتر پاکستان میں کھولے۔
