ملتان: (ویب ڈیسک) پاکستان اور ویسٹ انڈیز کے مابین پہلے ون ڈے میچ کے دوران امپائر علیم ڈار طبیعت خراب ہونے کے باعث گراؤنڈ سے باہر چلے گئے۔
پاکستان کے انٹرنیشنل امپائر علیم ڈار کی دوران میچ شدید گرمی کے باعث طبیعت خراب ہوگئی، طبیعت کی خرابی کی وجہ سے ڈاکٹرز کی جانب سے ان کا معائنہ کیا گیا۔
علیم ڈار کی جگہ فیصل آفریدی امپائرنگ کے لیے میدان میں آئے، دوسرے فیلڈ امپائر احسن رضا کی جانب سے فرائض کی انجام دہی کی گئی۔
