لاہور: (ویب ڈیسک) پاکستان اور سری لنکا کے مابین کھیلے جانے والے دوسرے ٹیسٹ میچ کا مقام تبدیل کردیا گیا۔
پاکستان کرکٹ بورڈ (پی سی بی) ترجمان کے مطابق سری لنکا میں معاشی بحران اور سیاسی صورتحال کے پیش نظر کولمبو میں شیڈول دوسرے ٹیسٹ میچ کے مقام کو تبدیل کردیا گیا ہے، جس کے بعد دوسرا ٹیسٹ بھی گال کرکٹ اسٹیڈیم میں ہی کھیلا جائے گا۔
ترجمان نے مزید کہا ہے کہ سری لنکن بورڈ نے پی سی بی سے درخواست کی تھی کہ دوسرے ٹیسٹ کے مقام کو تبدیل کیا جائے، جس کو بورڈ نے قبول کرلیا۔
