ڈبلن : (ویب ڈیسک) نیوزی لینڈ نے آئرلینڈ کو تیسرے ون ڈے میچ میں سنسنی خیز مقابلے کے بعد ایک رن سے شکست دیکر سیریز تین صفر سے اپنے نام کر لی۔
نیوزی لینڈ نے پہلے بیٹنگ کرتے ہوئے 6 وکٹ کے نقصان پر 360 رنز بنا ئے، کیوی بلے باز مارٹن گپٹل نے شاندار سنچری سکور کی، ہینری نکلس 79 رنز بنا کر نمایاں رہے، آئرلینڈ کے جوش لٹل نے 2 وکٹیں حاصل کیں۔
جوابی اننگز میں آئرش ٹیم مقررہ اوورز میں 359 رنز بنا سکی، آئرلینڈ کے پال اسٹرلنگ اور ہیری ٹیکٹر کی سنچریاں بھی ٹیم کو فتح نہ دلاسکیں۔
115 رنز کی شاندار اننگز کھیلنے پر نیوزی لینڈ کے مایہ ناز بلے باز مارٹن گپٹل میچ کے بہترین کھلاڑی قرار پائے۔
