گال: (ویب ڈیسک) گال میں کھیلے جانے والے پہلے ٹیسٹ میچ میں سری لنکا کو پاکستان کیخلاف 333 رنز کی برتری حاصل ہو گئی ہے۔
گال میں کھیلے جانیوالے ٹیسٹ میچ میں سری لنکا نے دوسری اننگز میں 9 وکٹوں کے نقصان پر 329 رنز بنا لیے ہیں،ا س وقت دنیش چنیمل 86 رنز بنا کر ناٹ آؤٹ ہیں۔ اس طرح دوسری اننگز میں پاکستان پر 333 رنز کی برتری حاصل ہوگئی ہے۔
سری لنکا کی جانب سے دوسری میں اننگز میں کوشل مینڈس نے 76 اور اوشادا فرنینڈو نے 64 رنز سکور کیے ہیں۔
محمد نواز نے 5 کھلاڑیوں کو آؤٹ کیا، یاسر شاہ نے 3 اور حسن علی نے ایک وکٹ حاصل کی ہے۔
خیال رہے گال میں جاری پہلے ٹیسٹ میچ کی پہلی اننگز میں پاکستانی ٹیم کپتان بابر اعظم کی سنچری کی بدولت سری لنکا کے 222 رنز کے جواب میں 218 رنز پر آؤٹ ہوگئی تھی۔
