صادق آباد: (ویب ڈیسک) رحیم یار خان کی تحصیل صادق آباد کے قریب دریائے سندھ میں ماچھکہ کے مقام پر باراتیوں سے بھری کشتی الٹنے کے واقعہ کے 3 روز بعد بھی لاشوں کی تلاش کا کام جاری ہے، پاک آرمی کے ایس ایس جی کمانڈوز نے بھی سرچ آپریشن کا آغاز کردیا ۔
صادق آباد کے قریب ماچھکہ کے مقام پر 3 روز قبل باراتیوں سے بھری کشتی دریائے سندھ میں ڈوب گئی تھی جس میں سو کے قریب افراد ڈوب گئے تھے جن میں سے پچاس سے زائد کو بچا لیا گیا تھا۔
ریسیکو 1122 اور مقامی غوطہ خور اب تک 33 افراد کی لاشیں نکال چکے ہیں جبکہ مزید 16 افراد کی لاشوں کی تلاش کا کام جاری یے، جاں بحق افراد میں خواتین اور بچے شامل ہیں۔
پاک فوج کی موسی کمپنی کے ایس ایس جی کمانڈوز بھی ماچھکہ پہنچ چکے ہیں جس کے سرچ آپریشن کا دائرہ کار بڑھا دیا گیا یے جائے وقوعہ سے لیکر گھوٹکی تک لاشوں کی تلاش کا کام شروع ہے
