لاہور: (ویب ڈیسک) پاکستان تحریک انصاف (پی ٹی آئی) کے چیئر مین اور سابق وزیراعظم عمران خان کی بلین ٹری سونامی کے اثرات سامنے آنے لگے، بنجر زمین سر سبز ہونے لگی۔
سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے کہا کہ ماحولیاتی تحفظ اور موسمیاتی تبدیلی کے اثرات کا مقابلہ کرنے کے لیے ہمارا بلین ٹری سونامی پروگرام ہماری آنے والی نسلوں کے لیے ہے، جو پہلے ہی ہمارے ماحول اور جنگلی حیات پر اثرات مرتب کر رہا ہے۔
انہوں نے ٹویٹر چند تصاویر شیئر کرتے ہوئے لکھا کہ 2020ء سے پہلے چھانگا مانگا کے جنگل کی 2500 ایکڑ بنجر زمین تھی جو بلین ٹری سونامی کے تحت لگائے جانے والے پودوں کے بعد سرسبز ہو گئی ہے۔
ایک اور تصویر شیئر کرتے ہوئے پی ٹی آئی چیئر مین کا کہنا تھا کہ دنیا کے سب سے بڑے میاواکی جنگل سے پہلے اور بعد میں نے گزشتہ سال لاہور میں راوی سگیاں پل کے قریب آغاز کیا تھا۔ صرف ایک سال کے دوران یہاں پر ناقابل یقین پیش رفت دیکھی گئی۔ ہم نے 70 سے زیادہ لاہور میں میاواکی جنگل اُگائے۔
عمران خان نے مزید کہا کہ لاہور کے وسط میں موجود جنگل کے باغبان کہہ رہے ہیں مذکورہ جنگل جنگلی حیات سے بھرا ہوا ہے۔ بلوکی نیچر ریزرو نے 2019ء میں مقامی قبضہ مافیا سے زمین واپس لے کر یہاں منصوبہ شروع کیا۔
