وزیر اعلیٰ کے پی امریکی سفیر سے مل رہے ہیں، اب رجیم چینج والا بیانیہ کہاں گیا؟ ملک احمد

لاہور: (ویب ڈیسک) ن لیگ کے رہنما ملک احمد خان کادعویٰ ہے کہ خیبرپختونخوا حکومت نے 3 ارب روپے کا بجٹ سوشل میڈیا کارکنوں کیلئے رکھا ہوا ہے، پی ٹی آئی کے ٹرولرز اداروں اور فوج کے خلاف مہم چلاتے ہیں۔
رہنما ن لیگ ملک احمد خان نے مزید کہا کہ وزیر اعلیٰ خیبرپختونخوا امریکی سفیر سے مل رہے ہیں، امریکی مخالفت اور رجیم چینج والا بیانیہ کہاں گیا؟
ملک احمد خان نے کہا کہ تحریک انصاف حکومت کے وزيراعلیٰ خیبر پختونخوا محمود خان امریکی سفیر سے مل رہے ہیں، گاڑیاں وصول کر رہے ہیں، امداد لے رہے ہیں، کہاں گئی امریکی مخالفت، کہاں گیا رجیم چینج کا بیانیہ؟
پریس کانفرنس میں انہوں نے مزید کہا کہ پی ٹی آئی ملک میں نفرت کو فروغ دے رہی ہے جو افسوسناک عمل ہے۔
انہوں نے کہا کہ عمران خان دعویٰ کرتے ہیں کہ چیف الیکشن کمشنر کا نام نیوٹرلز نے دیا، جرأت ہے تو اس نیوٹرل کا نام بتائیں۔