لاہور: (ویب ڈیسک) سابق وزیراعظم و مسلم لیگ قائد اعظم (ق) کے سربراہ چوہدری شجاعت حسین نے کہا ہے کہ سیاسی جماعتیں اپنی سرگرمیاں معطل کرکے متاثرینِ سیلاب کی مدد یقینی بنائیں۔
چوہدری شجاعت نے بلوچستان کے پارٹی رہنماؤں سےٹیلی فونک گفتگو کی اور کہا کہ شدید بارشوں اور سیلاب کی تباہ کاریوں پررنجیدہ ہوں۔
انہوں نے اپیل کی کہ سیاسی جماعتیں اپنی سرگرمیاں معطل کرکے متاثرین سیلاب کی مدد یقینی بنائیں، حکومت اوراپوزیشن مشکل گھڑی میں عوام کے ساتھ کھڑی ہوں۔
چوہدری شجاعت نے پارٹی رہنماؤں کو ہدایت کی کہ مسلم لیگ ق کے کارکن متاثرہ افراد کی بحالی میں مدد کریں۔
انہوں نے کہا کہ سیلاب متاثرین کی بحالی سماجی تنظیموں کی اولین ترجیح ہونی چاہیے، متاثرین کیلئے خوراک اور خیموں کا بندوبست ہونا چاہیے اورمتاثرین کیلئے فوری امدادی کیمپ قائم کیے جائیں۔
