تازہ تر ین

امریکی صدر جوبائیڈن کے صاحبزادے کیخلاف تحقیقات شروع کرنیکا اعلان

واشنگٹن: (ویب ڈیسک) ہاؤس ریپبلکنز نے ممکنہ مجرمانہ سرگرمیوں کا حوالہ دیتے ہوئے امریکی صدر جوبائیڈن کے صاحبزادے ہنٹر بائیڈن کی سرگرمیوں کی باضابطہ تحقیقات شروع کرنے کا اعلان کردیا ہے۔
اس بات کا اعلان اوور سائیٹ اینڈ ریفارم کے سینئر رکن جیمز کومر ، نمائندہ جم جارڈن اور دیگر ریپبلکنز نے واشنگٹن میں منعقدہ پریس کانفرنس سے خطاب کرتے ہوئے کیا۔
جیمز کومر نے پریس کانفرنس سے خطاب کرتے ہوئے کہا کہ آج ہم آپ کے لیے ایسی چیز لانے جا رہے ہیں جس کے آپ سب عادی نہیں ہیں
واضح رہے کہ ریپبلکن قانون ساز گزشتہ کئی مہینوں سے صدر جو بائیڈن کے صاحبزادے کے خلاف کانگریس کی تحقیقات شروع کرنے کی دھمکیاں دیتے آ رہے تھے، اب ریپبلکنز نے ایوان نمائندگان میں اکثریت حاصل کرلی ہے۔
امریکی ذرائع ابلاغ کے مطابق یہ تحقیقات 2019 میں ڈیلاویئر میں کمپیوٹر کی مرمت کی دکان پر ہنٹر کے چھوڑے گئے لیپ ٹاپ سے حاصل کیے گئے غیر ملکی تاجروں کے ساتھ کاروباری معاملات میں اخلاقیات کی مبینہ خلاف ورزیوں اورممکنہ مجرمانہ غلطیوں کے حوالے سے تھیں۔
پریس کانفرنس سے خطاب کرتے ہوئے جیمز کومر نے کہا کہ نگرانی اور اصلاحاتی کمیٹی میں ریپبلکنز نے متعدد مخبروں کے ساتھ بائیڈن خاندان کی متعدد اسکیموں کے بارے میں بات کی ہے، ہنٹر بائیڈن کے لیپ ٹاپ کا جائزہ لیا ہے اور پہلے سے نامعلوم لین دین کے بارے میں دستاویزات حاصل کی ہیں۔
انہوں نے واضح طور پر کہا کہ ہمیں جو کچھ ملا ہے وہ کاروباری منصوبے تھے جو دنیا بھر میں اہداف کو نشانہ بناتے ہیں، یہ کاروباری منصوبے چین اور روس جیسی غیر ملکی حکومتوں کے ساتھ قریبی تعلق رکھنے والے لوگوں کے ساتھ تجارت کی بنیاد پر قائم تھے۔
امریکی میڈیا کے مطابق جیمز کومر نے تصدیق کی کہ ہمیں امریکہ میں ایسے منصوبے بھی ملے جہاں بائیڈن خاندان نے لاکھوں ڈالرز میں سے سرمایہ کاروں کو دھوکہ دیا، یہ سب معاملات جو بائیڈن کی شرکت اوران کے علم میں لائے جانے کے ساتھ کئے جا رہے تھے۔
واضح رہے کہ سابق امریکی صدر ڈونلڈ ٹرمپ نے بھی جوبائیڈن کے صاحبزادے پر الزام عائد کیا تھا کہ ماسکو کے میئر کی اہلیہ نے انہیں 35 لاکھ ڈالرز دیے تھے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain