ممبئی : (ویب ڈیسک) بھارتی گلوکار جوبن نوٹیال حادثے میں شدید زخمی ہوگئے جس کے بعد انہیں ممبئی کے ہسپتال میں منتقل کر دیا گیا ہے۔
بھارتی میڈیا کے مطابق پلے بیک سنگر جوبن نوٹیال گزشتہ روز مبینہ طور پر عمارت کی سیڑھیوں سے گر کر شدید زخمی ہوگئے جس کے باعث ان کی کہنی اور پسلیاں ٹوٹ گئی ہیں جبکہ سر پر بھی چوٹ لگی ہے۔
حادثے کے بعد انہیں مقامی ہسپتال منتقل کر دیا گیا جہاں ان کے دائیں بازو کا آپریشن کیا جائے گا۔
واضح رہے کہ جوبن نوٹیال نے پاکستانی گانے بول کفارہ کیا ہوگا اور استاد نصرت فتح علی خان کی مشہور زمانہ قوالی ’غم ہے یا خوشی ہے تو میری زندگی ہے تو‘ کی نقل کر کے خوب شہرت حاصل کی ہے۔
