اسلام آباد: (ویب ڈیسک) برطانوی اخبار ڈیلی میل نےشہباز شریف پر عائد کردہ الزامات پر معذرت کر لی ، وفاقی وزیر اطلاعات مریم اورنگزیب نے رد عمل دیتے ہوئے کہا کہ اللہ نے ایک بار پھر شہباز شریف کو سرخرو کر دیا۔ انہوں نے شہباز شریف کے بغض میں ڈی ایف آئی ڈی کی ایڈ کو متنازعہ بنایا ،یہ صرف شہباز شریف کو بند کرانا چاہتے تھے ،شہباز شریف پر کسی قسم کی کرپشن ثابت نہیں ہوئی ۔
برطانیہ کے اخبار ڈیلی میل کی جانب سے شہباز شریف پر لگائے گئے الزامات پر معافی طلب کی گئی ، ڈیلی میل کا کہنا ہے کہ شہباز شریف سے انتہائی معذرت خواہ ہیں ، اخبار قبول کرتا ہے کہ شہباز شریف نے کوئی غلط کام نہیں کیا۔
اخبار کی جانب سےکہا گیا کہ نیب نے شہباز شریف پر برطانوی امداد میں خورد برد کا کوئی الزام نہیں لگایا ، اخبار نے خبر نیب کی تحقیقات کے حوالےسے شائع کی تھی ۔
