لاہور: (ویب ڈیسک) وزارت داخلہ نے کہا کہ پاکستان میں غیر قانونی مقیم غیر ملکیوں کو یکم جنوری سے جرمانہ کیا جائیگا،ایک سال سے زائد عرصہ گزرنے پر نام بلیک لسٹ میں ڈال دیا جائے گا۔
وفاقی وزیر داخلہ رانا ثنا اللہ نے سماجی روابط کی ویب سائٹ پر پیغام جاری کرتے ہوئے کہا کہ وہ غیر ملکی جن کے پاکستان میں غیر قانونی قیام کو ایک سال کا عرصہ ہوچکا ہے ان کا نام بلیک لسٹ میں شامل کردیا جائے گا۔
وزارت داخلہ نے کہا ہے کہ غیرقانونی مقیم غیرملکیوں کیلئے ایمنسٹی اسکیم 31 دسمبر کوختم ہو گی،یکم جنوری سے پاکستان میں غیر قانونی قیام کرنے والے غیرملکیوں سےجرمانہ وصول کیا جائے گا۔
