کراچی: (ویب ڈیسک) سندھ ہائیکورٹ کی سکیورٹی میں اضافہ کردیا گیا۔
سکیورٹی حکام نے سندھ ہائیکورٹ کی عمارت کے اندرونی حصوں میں بھی سکیورٹی بڑھاتے ہوئے ریپڈ رسپانس فورس (آر آر ایف) کے اہلکاروں کو تعینات کردیا گیا ہے، اس کے علاوہ عدالت کےباہر رینجرز کی نفری بھی بڑھائی گئی ہے۔
سندھ ہائیکورٹ کے داخلی راستوں پر گاڑیوں کی تلاشی بھی لی جارہی ہے۔
گزشتہ ہفتے چیف جسٹس سندھ ہائیکورٹ کی سربراہی میں ہونے والے اجلاس میں عدالت عالیہ کی سکیورٹی بڑھانے کا فیصلہ کیا گیا تھا۔
