کوئٹہ : ایل پی جی کی قیمت میں ہوشربا اضافہ، شہری پریشان

کوئٹہ :(ویب ڈیسک) کوئٹہ میں ایل پی جی کی قیمت میں ہوشربا اضافہ کردیا گیا۔
کوئٹہ میں رمضان المبارک کے دوران شہریوں کو گیس تو میسر ہے ہی نہیں، متبادل ذریعے کے طور پور پر استعمال ہونیوالی ایل پی جی گیس کے سلنڈروں کی قیمتوں میں بھی اضافہ کردیا گیا۔
ڈھائی کلو کے سلنڈر کی قیمت میں 600 جبکہ 5 کلو کا سلنڈر 1200 روپے مہنگا کردیا گیا، مہنگائی سے پریشان شہریوں کی مشکلات میں مزید اضافہ ہوگیا۔
رپورٹ کے مطابق شہر میں ڈھائی کلو سلنڈر کی قیمت 1300 روپے سے 1900 جبکہ 5 کلو سلنڈر کی قیمت 1600 سے 2800 روپے تک پہنچ گئی۔
ایل پی جی کی قیمت میں فی کلو 240 روپے اضافے نے مہنگائی سے پریشان شہریوں کی مشکلات مزید بڑھا دیں۔
دکانداروں کا کہنا ہے کہ پیٹرول، ڈالر اور خام مال کی قیمتوں میں اضافے کے باعث سلنڈر مہنگے ہوئے ہیں۔
دوسری جانب شہریوں نے حکومت سے مطالبہ کیا ہے کہ گیس کی فراہمی اور لائنوں میں پریشر کو بہتر بنایا جائے تاکہ ان کی مشکلات کم ہو سکیں۔