نارووال: (وی ڈیسک) سرکلر روڈ پر ریسٹورنٹ میں آگ لگنے سے 4 افراد جھلس کر جاں بحق ہوگئے۔
تفصیلات کے مطابق افسوسناک واقعہ سرکلر روڈ پر موجود نجی ریسٹورنٹ میں آگ لگنے سے پیش آیا، اطلاع ملتے ہی ریسکیو 1122 کی ٹیموں نے موقع پر پہنچ کر آگ پر قابو پالیا جبکہ جاں بحق افراد کی لاشوں کو ہسپتال منتقل کردیا گیا۔
ابتدائی اطلاعات کے مطابق ریسٹورنٹ میں آگ گیس سلنڈر لیک ہونے سے لگی ، جھلس کر جاں بحق ہونیوالے افراد ریسٹورنٹ میں کھانا کھانے آئے تھے، پولیس نے واقعے کی مزید تحقیقات شروع کردیں۔
