کراچی: (ویب ڈیسک) محکمہ موسمیات کا کہنا ہے کہ بائپر جوائے سمندری طوفان کراچی سے 840 کلو میٹردور جنوب میں موجود ہے، طوفان شمال مشرق کی جانب بڑھ رہا ہے۔ محکمہ موسمیات کے مطابق طوفان جہاں جہاں سے گزر رہا ہے سمندری لہریں 28 فٹ تک بلند ہو رہی ہیں، سمندری طوفان کے باعث ہواؤں کی رفتار 130 سے 160 کلومیٹر فی گھنٹہ تک پہنچنے کا امکان ہے۔ سمندری طوفان بدھ یا جمعرات تک سندھ اور مکران کے ساحلوں سے ٹکرا جائے گا، جس سے ساحلی علاقوں میں گرج چمک کے ساتھ بارش متوقع ہے۔ محکمہ موسمیات کا کہنا ہے کہ ممکنہ خطرات کے باعث کراچی کے ساحلی علاقوں میں دفعہ 144 نافذ کر کے ماہی گیروں کے کھلے سمندر میں جانے پر پابندی عائد کر دی گئی ہے۔
