لندن : (ویب ڈیسک)یو ٹیوبر اور سوشل میڈیا ایکٹوسٹ عادل راجہ کو برطانوی پولیس نے تفتیش کے بعد رہا کردیا ہے۔ عادل راجہ کے وکیل مہتاب عزیز نے بتا یا ہے کہ عادل راجہ کو پولیس نے تقریبا آٹھ گھنٹے حراست میں رکھا،عادل راجہ نے پیر کو اپنا یو ٹیوب چینل بند کرنے کے سلسلے میں بات کی تھی۔ان کا کہنا تھا کہ منگل کو عادل راجہ کی گرفتاری کے بعد میں نے ان سے رابطہ کرنے کی کوشش کی۔انہوں نے بتا یا کہ عادل راجہ اور ان کی فیملی کے ارکان کے فون بھی فی الحال بند ہیں،خیال ہے کہ عادل راجہ کو انسداد دہشت گردی کے قانون کے تحت گرفتار کیا گیا۔ مہتاب عزیز نے بتا یا کہ عادل راجہ کسی غلط کام میں ملوث ہوتے تو میں خود پولیس کو رپورٹ کرتا، مجھے یقین ہے کہ عادل راجہ کسی غلط کام میں ملوث نہیں۔
