لاہور:(ویب ڈیسک) پاکستان کرکٹ بورڈ کی عبوری کمیٹی کے سربراہ نجم سیٹھی کا کہنا ہے کہ ہائبرڈ ماڈل پر بھارتی میڈیا نے غلط خبریں چلائیں۔ نجم سیٹھی نے میڈیا سے گفتگو کرتے ہوئے کہا کہ ہائبرڈ ماڈل ایک حل ہے کوئی بلیک میلنگ نہیں، ہائبرڈ ماڈل کی ہماری تجویز کو تسلیم کرلیا گیا ، بھارتی میڈیا نے غلط خبریں چلائیں، ہائبرڈ ماڈل کےلیے ہم نے بہت محنت کی ہے۔ انہوں نے کہاکہ بھارت کی تجویز تھی پورا ایشیاء کپ ایک ہی نیوٹرل وینیو پر کرایا جائے، ایشین کرکٹ کونسل (اے سی سی) کی پریس ریلیز میں ہائبرڈ ماڈل کا لفظ استعمال کیا گیا۔ چیئرمین پی سی بی مینجمنٹ کمیٹی نے یہ بھی کہا کہ کسی کی کوشش تھی کہ ہائبرڈ ماڈل کو ورلڈ کپ سے لنک کیا جائے۔
