حیدرآباد : (ویب ڈیسک) سندھ کے ضلع حیدر آباد میں تفریح کے لئے آنے والا نوجوان دریائے سندھ میں ڈوب کر جاں بحق ہوگیا۔ ریسکیو ذرائع کے مطابق المنظر جامشورو کے مقام پر دوستوں کے ساتھ تفریح کے لئے آنے والا نوجوان دریائے سندھ میں نہانے کے دوران ڈوب کر جاں بحق ہوگیا، نوجوان کی شناخت اسلم خان یوسف ذئی کے نام سے ہوئی ہے جس کی عمر 22 سال تھی۔ ریسکیو ذرائع نے بتایا کہ نوجوان کی لاش 6 گھنٹوں بعد پانی سے نکالی گئی ، نوجوان لطیف آباد کے علاقے کوہسار کا رہائشی تھا ، نوجوان کی لاش ہسپتال منتقل کر دی گئی۔
